士佳說 - 張士佳 2022年2月24日
【#士佳說 】張士佳：太陽出得一天
【#士佳說 】張士佳：太陽出得一天
尋日逢週三休息，大市兩日跌咗一千點，尋日一開市就輕微反彈，呢啲情況好多散戶朋友都會博，好易中招，所以我在學生群組發佈我對博入市的最低條件，光是其中一項，期指升高於23884，大市都做唔到，更遑論其他，咁短期跌過千點，不要以為彈二三百點就風險已除。
俄烏雖稱不上兵凶戰危，但肯定戰雲密佈，不過這並非新鮮事，先前俄羅斯承認嘅兩歌獨立地區，其實一直都叫獨立，只係現在美國煞有介事，同埋歐洲同盟意識形態造成入侵嘅意識形態，令到大家腦海內出現第三次世界大戰陰影，從而影響股市；其實大蝦細根本冇得打，而所謂制裁，其實不停進行中，制裁北溪2號，梗係笑話，其實啲天然氣係比邊個㗎，你唔想要啲天然氣就唔會批啦，唔通有便宜的天然氣唔用情願用高價嘅咩；雖然打極有個譜，但市場最怕就係不確定因素，而呢一種正正係暫時嘅情況，所以股價跌晒落嚟，
我自己短線先前都搏咗注，嗰個系統都有八成把握，賺個幾百點走咁啲，走唔晒，如果今日陰燭，冇辦法戰雲密布，估唔到，我都會走埋佢為先，冇必要硬挺。
尋日港股有近150點反彈去23700左右，主要是受美團#3690回升3%影響。官媒澄清政策的43項紓困措施中，只是針對做外賣平台的美團提出引導意見，並非下命令，不意味前景堪憂，所引發的拋售潮似是反應過度，明顯是在力挺平台。北水亦大力加倉美團#3690，科網股反撲，咁遇着官媒力挺joy加倉，就唔應該穿底，穿近期底就止蝕。
手上其他持股就冇乜嘢，好多股都彈得好好，好似先前一直有提嘅建築股，#3311/#1735輪流升，尋日財政預算案，動用1700億元來舒緩水深火熱的疫情及經濟，預算演講中提及，將撥款近500億港元興建防疫措施，#3311中國建築旋即反應升6.5%。其2022年新訂單指引爲1600億元，意味着2021年同比增加14%，前景樂觀，不過，消息出股價就準備食下，吼回時又來過；至於航運股唔知關唔關打仗事，企喺高位，波羅的海乾散貨指數連升幾日， 落後嘅#1138更創近日新高，相信呢D股如果未買，不妨等回落到咁上下，一彈見有訊號就吼；同理係唔同板塊嘅#1091南方錳業一樣，有研究機構話Tesla 4689電池對錳需求量大，佔正極材料的10%，預期今年Tesla 對硫酸錳的需求約1.9萬噸，而2030年的需求達到78.4萬噸，消息利好錳業，加上佢今日出盈喜，#1091南方錳業近日大炒上，又係買咗開心，未買等回先吼。手上個股冇大走樣，呀，仲有衰咗隻俄鋁，上次反而食咗隻#2600中鋁 ，冇食呢隻，大博大有賺唔take，跌翻落嚟，陰跌穿6.18就走頭，扣埋#2600賺嘅，都要蝕十巴仙以上，要斬就斬，睇錯就去睇錯。
最後要提一提隻#20商湯，呢隻本地半新股，都算係熱門，剛上市時我都炒過一轉，今日有學生問我又冇再炒，我話咗佢知只係純炒少少day trade，不宜重注，點知夜晚出新聞，恒生指數服務公司竟然話自己計錯數，仲要隔幾日先至講，如果啲Fund真係跟科指買咗，都唔知條數點計，咁嘅低級錯誤都犯上，簡直無奇不有。
其實個股並非一面倒咁跌，仲有好多股講，聽日11 點我做sun Channel，到時再同大家分享。
士佳說 - 張士佳 舊文
本文作轉載及備份之用 來源 source: http://skycheung.weebly.com