【#士佳說 】張士佳：都話美團得架啦
【#士佳說 】張士佳：都話美團得架啦
This was the best of times and this was the worst of times, it was the age of wisdom, it was the age of f
oolishness...
本週一我用以上雙城記的名句形容現在的市況及美團#3690，雖然寫明未落手，都一樣比人笑到面黃，仲慘比人當做燈，尋日期指升1000點，夜晚再升多1000點，又預計美團今日開市，兩日由底會升四五成，相信無人再笑我呢句名言，仲會覺得居然雙城最好最壞時光在一個禮拜內發生好貼切添。
不過，咪住！你都無落注！呢度FB抽唔到身realtime update，週三又例假無出文姐(睇黎遲下要寫埋週三），禮拜二美團跌到一僕一轆嘅時候已經在學生群組即時公告左落手買美團啦，無一萬都有八千人睇到，唔單止咁，有D買落些衰股像電股那些又未走的朋友，我叫佢轉晒落美團，我買嘅嘅價係$105-110，成萬億市值嘅股一日升四成，今鋪都唔好話唔和味，我成日叫大家做功課，就係想搵出一啲風險唔大又有得爆嘅嘢，呢兩日搵嚟搵去都搵唔到邊隻好似美團咁又有得爆又穩陣，所以果日成篇文章只係寫一隻股。
咁個市先前跌到咁，我又唔係膽生毛，皆因買親美團正股，唔會買得少，我係走七八成短綫倉嘅貨去買，放喺長線倉，我更加唔係神，我都有買#2269熊証做對冲，今次係雙重優惠，第一#3690遠升得多於#2269；第二熊証係衍生，有幾倍槓桿，即係我攞約三成既錢已可對冲#3690，咁今日#3690裂口高開（尋日三點幾，我已經預告學生#3690會裂口高開，唔係得印度先有神童，哈！香港都有神經），咁我走咗＃3690，有錢袋之餘，#2269熊証已經係零成本free貨持有，開心！
實有人問，吓，走啦，嘩，我無諗過咁快，實際上我諗過#3690去跌落雙位數，不過我覺得佢橫睇掂睇都好過不停配股又冇錢賺又係兩國磨心嘅#2269，所以唔怕落注，另外，我仲有買咗騰訊熊，但尋日中午大市居然裂口高開，就即走，執返身彩得個吉；美團成七千億市值升五成，食啦。實際上，今日期指陽燭升穿阻力21088，病左嘅港股先至叫做好番D，但好番都唔係即刻可以去參加奧運100公呎，走完貨回番先至買啦，港股有度好，永遠有低位嘅機會，呢個優點要好好把握（一笑）！
咁如果，連21088都不能陽燭升破呢?咁我都無乜貨了，洗個牌起個風，更低位先至再諗啦。
呀！寫多句，除了#3690，我亦有#388，貪佢受惠雙城博奕，現暫時有計傾，所以要食，不過，你慌May真係會放過Chloe咩，到時will be another best of times and worst of times!
士佳說 - 張士佳 舊文
本文作轉載及備份之用 來源 source: http://skycheung.weebly.com