士佳說 - 張士佳 2022年5月10日
【#士佳說 】張士佳：要遠離跌市的詛咒
【#士佳說 】張士佳：要遠離跌市的詛咒
上星期美國議息後急升後又急跌過千點，圖表核突，我先前講美股要逢高沽，我相信唔少投資者唔使我講都睇到，尤其中概股，果日加息居然彈上千點比位沽，跟住兩日跌兩千，尋晚標普期貨跌穿4000，我臨瞓都忍唔住叫食糊，生怕瞓醒反彈，見財化水，通報後果真反彈，以為捉到個短期底，誰知彈一彈，今朝仍是3998，彈都唔彈，泥牛入海一樣；雖然美聯儲局想加息挽救通脹，但又不能加得太快，過往狂印錢谷經濟的巨債總要還下，美股是雲集世界資金財富的地方，今次美股下跌，已經蒸發唔少財富，連我買左捧畢非特場的oxy昨晚也下跌，睇嚟美股熊市難以避免。
美股崩堤式下跌，是因為先前資金催升得過多，股值貴而殺落，我想港股會好些，假期前兩天趁高食了期指好倉後，臨放假懶醒開美團牛及補回1/3期指，美團好彩些，果朝一彈有食，但期指就瓜多過菜，美股跌咁多，人地跌一千，我地跌七百都死啦，早知今日番黎等19000以下先開。
中概咁跌法，又話要摘牌，好自然會諗到港交所受惠，上星期初我同学生分享，我現時唔like，唔揸之餘仲要沽，主要原因有兩個，點知過左兩日，蔚來及雷教授就幫我闡述了。
我唔愛港交所，唔鐘意葯明生物，要博彈都會揀番美團#3690，今日回來隨時低開7/8%，同1113一樣我又會買些來儲，一來佢冇受中概股被摘牌的風險，一來這一次疫情后，突顯了外賣配送平台的重要性，除了谷起美團的訂貨單生意額至少三成，用戶群模進一步得到擴大，30分鐘送貨上門，使零售消費業起了重大變革，融入到普通人的生活當中，這是疫情為美團所帶來的機遇。加上近日內地加快修訂《反壟斷法》等法律，落實公平競爭審查制度，建設全國統一大市場 / 禁止未成年網絡主播獲打賞，16歲以下不可做主播等，都係規範平臺，但似乎唔太影響美團。
係病毒不斷變種底下，似乎要打第四針在所難免。近期提過的#1099國藥、#6078海吉亞，都只在低位潛伏，跌唔多又升唔上，之前止蝕了的#1877君實生物，終於再度升穿250天，#3320華潤醫藥亦慢慢行出趨勢，但都痴住250天綫，其實疫苗不斷被需求，反而做藥物分銷的葯廠更能從中受惠，成本一定比疫苗研發公司輕好多。
我有睇隻山東新華製藥#719，之前同河南真實生物簽戰略合作協議爆升，雖然新華製藥於5月5日公告，其並非唯一合作公司，但市場解讀為，山東新華已搭上了順風車確是合作公司之一，近期大市都在炒唔關大市事，又平又低溢價，又有大前提配合的細價股。當中要留意A股新華製藥 000756.SZ，已經連續幾日升停牌，已升到16.6元又買不到，似有聰明資金揀買港股的山東新華，現在只有7.56，但呢的股通常會好chok，好似我先前講的#1623海隆，只能小注玩玩，一日升跌三成，一日升四成，嚇都嚇死（不過陽破頂，仍有值博空間）。
想無咁chok，可望實#3320華潤醫藥，有相同概念，可惜痴實250天綫，華潤雙鶴600062.SH 亦公告，與真實生物科技在北京簽署了合作協議為阿茲夫定片委託加工生產商。A股華潤雙鶴尋日漲停，華潤雙鶴一個月內已經升近兩倍，由16元升至32.8元掀起一輪爆炒行情，港股的#3320華潤醫藥只有4.1，等征服250天綫會有另一番光景。
現在大市情況的確是脆弱，升得辛苦跌得容易，但又唔係無股買，中石油857中海油883始終會受惠國際油价，我久不久有講有錢就儲超人股，近日超人又趁平內地投地，雖然唔成功，但可以看出超人及團隊功力，過去十年，佢只沽不買，走位奇準，1113高位潛伏，逢低要儲，唔鍾意咁大隻都仲有好多實力嘅選擇，鐘愛的思㨗330環球似未升完，建築股830在高位蓄勢待發，兩三線煤股3948唔理大市係咁升；介紹過嘅1729匯聚科技及1969中国春來，一隻爆上咗，一隻回緊，似乎都能免疫於大市下跌的詛咒。
士佳說 - 張士佳 舊文
本文作轉載及備份之用 來源 source: http://skycheung.weebly.com