基金論勢│Mirror演唱會幫到富衛業績？（盧志威）
基金論勢│Mirror演唱會幫到富衛業績？（盧志威）
Mirror買唔到飛，變成一個潮流話題。
Mirror買唔到飛，變成一個潮流話題，可能會話只不過是娛樂新聞題材，又點解會關財經的事呢？其實，結合企業動向，就會知道為何有30%公
開發售，70%贊助商包場，一般都係咁嘅做法，點解今次會特別多人投訴？仲要已經用實名制，無黃牛黨出現，反而不滿度比炒黃牛更勁。
美股、外匯、加密貨幣免費即時報價，自選投資組合獲取相關新聞提示。
其實，黃牛都只係賺差價，今次仲犀利，要買贊助商的產品，先可以獲得「抽獎」機會，仲要再買高端產品，加埋可能隨時比黃牛價更貴，即係贊助商自己做埋黃牛，仲要實名制，呢個方法可以食盡Fans願意付出的溢價，合理地全方位包抄。
如果故事到呢部份，最多是有大數據，還要是獨家分銷，不可轉讓，有強勁護城河的超級黃牛黨，只是做交易生意，賺極都有個譜，還要拉到今日所講的財技。贊助商之一富衛集團（FWD Group）其實在搞上市，這間公司在2013年成立，直至2021年底的總保費69億美元，淨利潤2.49億美元，香港（及澳門）仍然是主引擎，年化新保費達到4.74億美元。其次為泰國（及柬埔寨）4.62億，日本2.09億，新興市場3.01億。
黃牛賺錢可放入新保費
其實，做黃牛賺到嘅錢，是可以放入2022年年化新保費，至少季度業績能夠反映，筆者很難估計得到，實質會有多少保費增加，因為我唔打算去買，亦唔打算去問，但係保險有好多種計數方式，會唔會有一筆過付款谷大保費，就可以換到贊助商門票呢？如果能夠這樣去計算，今年的業績會很好。
這部份業績增長，可以放大槓桿到上市估值，有傳富衛集團本來上市計劃已經獲批，估值90億美元，集資10億美元。不過，現時都未開始，好有機會推遲，第一是留待市況好轉，能夠賣到好價錢，第二是龍頭市場出現黃金（黃牛？）機會，唔爭在等多幾個月，點都谷盡條數才上市，就算係提升少許，都講緊100萬美元為單位的槓桿，仲未計賺到，而又難以量化的數據，例如App有抽獎，用戶增加，知名度提升等，背後都有龐大的經濟利益。
贊助商唔係咁易做，Viutv和Mirror是一個運氣加實力並存的情況，才有今日爆紅的時勢，所有贊助商都係老闆系內公司，自己養大當然要食盡，肥水不流外人田。人地搞娛樂都係蝕錢，Viutv可以做到自己搞掂自己，還幫兄弟公司助攻，可能產生巨額的收益，背後操作的團隊腳法精妙，球波入得咁靚，點可以唔鼓掌。
富衛集團因為做了多輪融資，又有多次收購，有人算過大約花了450億港元，實質邊個出幾多，除非拿出所有合同細看，唔會搞得清楚。「我老婆嫁左比Mirror導致婚姻破裂關注組」最多是有人出六位數字收購，而這投訴在11位數字面前猶如微塵。睇返富衛集團集團本來有傳想以30%至40%溢價在美股上市，只不過最後減價回香港，如果背後的團隊繼續花心思，谷大東南亞新興市場，盈利前景是正面，只要上市唔係太貴，中長線會有得升。
盧志威
本欄逢周五刊出
基金論勢 - 盧志威 舊文
本文作轉載及備份之用 來源 source: http://hk.finance.yahoo.com