士佳說 - 張士佳 2022年6月17日
【#士佳說 】張士佳：市跌尋寶
【#士佳說 】張士佳：市跌尋寶
前晚美国議息合預期，美市回升番幾百點，我唔知會唱會好似上次咁，升一日就大跌，但就估港股會做好些，除了有買些唔相關的股外，我亦有9988熊，short期指期權put，同有揸期指，既然尋日都寫明會加趁高加9988熊，我都唔信加息後真會大升。
市前，我例必瞄一瞄我學生的好淡調查，居然75%睇好話會見陽燭，75%係歷來最extreme，本身都已經唔信大升，但係班學生更對我當頭棒喝，當時期指都未開，已經知道要點做，一定係做淡，75% 幾難唔燈，即沽期指，兼食期指short put ，short put 居然有幾拾點食，再如言加沽9988 ，如果開波唔沽，一路直跌夜期，差不多跌1000點，學生嘅投票屢建奇功，多謝同學們互保平安，唔投票就冇呢個數據睇，點可以唔參與投票。
雖然學生投票精彩，個股板塊原來仲精彩，前四日，上精精進班時，我話左俞敏洪1797會炒似GME，我形容俞敏洪直程係中國Johnny Depp，將會英雄式回歸，但我第一日得手100%後，想就等回才跟進，但佢頭也不回一直上，我開頭以為俞敏洪股升，唔關教育股事，但講得係GME，大家一定記得當時炒GM E嘅非理性，所以我冇因為上唔返俞敏洪架車，灰頭灰面，一直喺度等機會，就在尋日10點幾機會來了，我見到軟件，加速磅中1773天立教育架車係咁閃（圖一），閃得即係突然間一堆錢打入去，當時九毫左右，仲有1769思考樂架車又閃，由於上日1797嘅經驗，上次都預一日升100%，1773市值細咁多，今日帶頭升，點都會升返一倍啦，結果嗰啲車車真係帶我入直路，最厲害果然係1773一日升足百幾巴仙，1769都升近九成，估唔到大跌市都可以靠股賺，其實我有入埋2001/1565/1797/667博大霧，炒到癲，忙到死都不忘記提下同學仔，話點都要烤肉（教育），當時1773壹蚊左右，有入都可以賺近五成，好少成個版塊噉齊齊閃，12部頭位加速車當中，十架係教育（圖二），嘆為觀止，點都要入場bbq，不過除咗技術我相信膽量都好緊要，如果唔係舊年有炒GME嘅經驗，加上今次嘅Johnny Depp類比，我都未必敢買咁多。
圖一
圖二
後來2001/1565都冇乜錢賺無功而還，但唔緊要了，其他嗰幾隻都已經夠。我相信噉追嘅同學都未必多，因為教育股先前咁鬼弱，升兩三成先至入場，冇炒開真係好容易買唔落手；如果唔敢買，冇辦法啦，但只可以容忍自己錯過一次，要汲取經驗，留為後用，現在升親都係先前嘅弱勢股，錢得咁少，逆市強股未必會升（尋日我都入左商湯，到收市都要止蝕先），所以我尋日都執倉，走咁啲靚股，嚟緊要昅實嗰啲弱勢股，好興輪流炒。
市場輪住喪炒衰股大翻身，其中一些三四是線上零售，呢幾日都有啲火頭，我就做左尼啲功課。
國美零售#493，尋日升2成幾，話佢啲家電受惠消費券刺激及廠商俾優惠大折扣而大賣，國美6·18 可能會再接再厲。上個月又同騰訊#700、華爲等又有新合作等催化，尋日升兩成又相對其他炒股唔係升太多，睇下今日仲有冇follow，呢隻炒味甚濃，正中現市場熱點。
我琴日仲買埋2048，只因佢架車都著曬燈，最多升7成，我以為佢會升一倍，佢系天貓好房平台於5月正式啓動。易居表示，一年時間內，天貓好房已經累計服務了100萬買房客戶。雖然內房市道咁弱，易居做中介的，較房企影響相對輕微，睇吓國家會唔會鬆綁內房啦。
中國儒意#136，我都有關注，做網上遊戲平台，又與騰訊合作正式推出的首款遊戲，三國策略卡牌手遊《亂世逐鹿》，成為騰訊概念股之一，最重要係股價估值較低殘。
美圖公司#1357 超級弱股反彈，升28%，話美圖秀秀APP月均應用逼近兩千萬，大幅拋離同行業的其他應用。4月美圖創始人增持100萬股，話對前景收入好有信心。原因信唔信就由你，不過都係借勢炒㗎啫。
呢啲股尋日都升幾多，其實仲有好多其他，食髓知味，唔買都會mon住。
至於大市，早幾日都計咗俾大家睇，美股有排都未到底，港股極力唔避扯後腳，但久不久都會被扯下，昨晚就是，就睇吓佢點樣掙扎求存啦。
士佳說 - 張士佳 舊文
本文作轉載及備份之用 來源 source: http://skycheung.weebly.com