【平民投資教室】錢俊：內功與劍法同樣重要
平民投資教室
日期：2022-09-13
更新時間：10:53:39
無論股票同市場分析，投資界都有兩大門派-基本面分析(Fundamental analysis)同技術分
析(Technical analysis)。
基本面分析亦可以再細分
做微觀同宏觀。前者以研究個別公司盤數為重點。根據公司收入、盈 利、現金流、資產負債表等去作估算公司股價應該值幾多錢，再揀認為有水位嘅公司作投資。 有基金經理甚至會同公司管理層討論公司業務計劃同前景，再加入去自己嘅投資模型去計 算。而宏觀就會睇經濟數據、行業分析等等。傳統主動式基金投資主要都係以呢個方式去揀 股。
然而基本面分析個問題係好多數字都係基於預期估算，比如預期來年公司收入會增長幾多百 分比，由此預期股價未來應該會值幾多。若果估計嘅數字與實際出現落差，或者經濟基本面改 變，模型計出嚟嘅數字就會變得毫無意義，令到最後「揀錯股」。
至於技術分析就係純粹研究股價走勢，股票交易情況等等，唔在乎公司盤數靚唔靚仔。當中亦 衍生一班圖表派大師，每日喺電視畫俾師奶們睇。然而，技術分析主要係睇過去表現，特別係 公司，好多時會有突發事件發生，比如併購、新業務、股本分拆等，成個股票嘅故事都可以唔 同曬。另外，技術分析只會俾到你幾時買賣，而到底買幾多幾少同點分配，係無法指點你迷 津。
錢俊認為兩者有如習武嘅內功與劍法，可以話相符相乘。尤其是買ETF構建自己嘅投資組合， 分析基本面有助了解長遠投資應該點去配置，邊一個市場或行業可以買多啲。至於幾時買入 賣出，都可以參考技術分析，鎖定較理想嘅增持或減持位。
FXY:用ETF嚟炒Yen 近日日圓大跌，兌港元已穿5.6算。年初至今，日圓兌美元或港元已經大跌近20%，比美股標普
500指數表現仲要差。心動想入貨短炒，除咗買實貨，原來都可以透過ETF持有。
Invesco Currencyshares Japanese Yen Trust(US:FXY)係美股市場唯一直接以日圓價值為表 現基礎嘅ETF，全部持貨均為日圓。管理費為0.4%。直接買賣日圓，一買一賣會俾銀行食兩次 價差，除時無咗1-2%回報。如果你買賣ETF交易費用係低，又係諗住短炒的話，ETF可能更為 劃算。相反，買入實貨日圓，可以用嚟存款收息，雖然好低，但長遠就好過無，加上長揸都無管 理費。如果執意想慳到盡，就要自己計下數邊樣對自己著數啲。
想聽其他投資Topic?話我知:chinjun.column@gmail.com FB: chinjun.etf
IG: chinjun.column 以上觀點僅為個人分析，並不構成任何投資建議。
平民投資教室 - 錢俊 舊文
本文作轉載及備份之用 來源 source: http://hksmedia.com