筍盤是留給有準備買樓的人
筍盤是留給有準備買樓的人
甲廈與住宅的面積計算不同，需要知道甲廈面積實用率。 (資料圖片)
有老友叫我分析甲級商廈，怎樣可以搵到優質單位，買到筍盤。其實是有點困難，講住宅比較容易，尤其是上車盤，因為那些大多數是初次買樓的人，就算講錯都冇人知。豪宅、甲廈及舖
位是在物業市場最高端，投資的人大多數身經百戰，以及是成功人士，叻過我很多。如果我講怎樣買甲廈，可能會得罪他們，我不敢預測甲廈升或跌，但可以講一些自己投資方法。簡單來說，筍盤是留給有準備買樓的人。
如果有心購買甲廈，現在就應該去睇樓，我並不是叫大家睇完樓就要買，只是做好功課，到某一日遇到一個合心水而價錢又合適的單位，便可以即時做決定。如果到那時候才睇樓，可能已經太遲，而且現在市況很靜，齋睇唔買物業代理不但唔會口出怨言，甚至多謝去睇樓的人。
甲廈與住宅的面積計算不同，住宅有規範，而甲廈就任報，不少業主將單位面積發完又發。所以，一定要知道甲廈面積實用率，否則以為呎價很抵，原來實用率很低，圍起上嚟就蝕底。如果打算投資甲廈，現在就要做定功課，投資者口訣的快狠準，準是代表準確同準備，早已有人講，機會是留給有準備的人。
作者為紀惠集團副主席及行政總裁
湯文亮專欄 - 湯文亮 舊文
本文作轉載及備份之用 來源 source: http://www.am730.com.hk