估全年會點走實在太難，不過對首季就一定要有一個概念，否則未能制定策略去操盤。
坊間很喜歡為來年做預測，但無論是大型投行或者是老散，總係估唔到下年會點行，早前看過有行家貼返去年大行對2022年的預測，完全無人估得到會跌穿兩萬點，更遑論是低見萬四啦，其實易估的情況只有一個，一定係大牛市，即
係大家都中大家都贏囉。
美股外幣即時報價 多國新聞任睇
去年底大部分人都認為美股仍然會大漲小回，企業盈利增長唔錯，但有幾多人會估到TSLA跌七成，納指跌三成？記憶中是有人估東升西降，因為港股在2021年已經跑輸全球，無理由連續兩年都死呱。最後他們算是中了一半，美股的確係向下，但如果用長短倉去做，長港股短美股，未必有能力坐到年尾，甚至有機會去到第三季就被挾走，因為恒指在九月及十月各跌14%，過去十年都好像未見過。而當個個都話港股無得救，為身體健康要遠離港股，又話內地未來兩年都繼續清零，結果就來個大反轉，兒戲地以極速轉向，放鬆防疫政策，帶動港股由低位急彈五千點，雖然全年計仍然要跌一成半，但總算在近年首次跑贏美股。估第四季大反彈已經咁難，估下年會點走更加是吃力不討好，何必花精神做這些事呢。
通關未必一帆風順
估全年會點走實在太難，不過對首季就一定要有一個概念，否則未能制定策略去操盤。內地全面開放對外通關，也不會是一帆風順的，日本已先出招限制內地旅客到訪，意大利及美國也考慮作出類似的限制，在正常情況下，這些措施未必會持續太長時間，但好大機會要拖多一兩個月才取消限制。另外亦要諗返，外遊概念股已率先炒上，當實際情況出現落差，就更易觸發回吐，太勇去高追就先要捱一輪價。近日看到內地的新聞，大致也見到疫情爆發力甚勁，短期內居民也自求多福，保重身體要緊，所以應不會太積極外出消費，早前炒復常的內需股，也隨時有回調的藉口，再者2022年條數一定係曳，踏入1月後有機會接連發盈警，屆時有盤冷水淋嚇股價，揀好目標股及待回調時上車，勝算更高。但股票是向前炒的，別以為會回落至早前的低位畀你撈，講真再落低位撈得到，肯定也有壞消息跟尾，到時買到仲要喊三聲呢。
香港剛宣布解除大部分抗疫措施，在此希望各戰友在新一年身體健康，來年贏返今年所失的。由於青冰正在外遊，本欄在未來兩周將會休息，一月中再同大家見面啦。
青冰
http://www.fb.com/chingbing888
本欄逢周五刊出
大茶飯 - 青冰 舊文
本文作轉載及備份之用 來源 source: http://hk.finance.yahoo.com