賠訂重售會不會是新常態
賠訂重售會不會是新常態
新一年，本地樓市形勢有變。 (資料圖片)
在踏入新的一年之後，樓市表現好似反轉，不但不少業主封盤反價，亦有不少話樓市大跌的人轉口風。其中一個分析員話，他在去年11月已經知道中央政府放寬抗疫政策，佢仍然話樓市下跌，只不過是希望業主劈價賣樓
，他可以執平貨。如果他的說話是真的，我覺得他有失分析員身份，若我係那位分析員，打死都唔會講出嚟。
由於樓市形勢有變，我打算寫一篇「賠訂重售，會不會變成新常態」，後來發覺，原來在去年11月，已經有業主成功賠訂重售，在短短兩個月，業主賣貴14%。但很可惜，事情已經發生兩個月，傳媒隻字不提，只集中報道那些劈價蝕讓，中原指數如江河日下，在幾乎無風無險之下，去年下跌15%。但最奇怪就是那位業主明知樓市下跌，仍然賠訂重售，究竟他是對樓市回復信心，抑或發覺自己中了伏，賣了樓之後才發覺，收了訂金價錢根本買唔到一個相若單位，就算賠訂都有劃算。
如果樓市在1月份升得太急，賠訂重售將會變成新常態，所以，即使用低價買到樓的人都唔好開心得咁早，因為業主隨時會賠訂重售，雖然賺了少少訂金，但可能失去一次抓住樓市上升機會，可能得不償失。
作者為紀惠集團副主席及行政總裁
湯文亮專欄 - 湯文亮 舊文
本文作轉載及備份之用 來源 source: http://www.am730.com.hk