最近領展供股消息，令筆者大吃一驚。
今個星期想分享下對領展（823）的感受，一路好少在專欄分享個股，因為最近領展供股令我大吃一驚，所以想講下。自己都是領展小股東，當時為甚麼買？因為作為香港人，知道商場街市位置靚、人流多，如果自己要買樓買鋪收租，能力所限根本沒辦法，所以買來收息。另
一個原因係，REITS房地產信託基金不同一般地產股，九成利潤要派出來給股東，所以對股息會有一個確定性。
美股外幣即時報價 多國新聞任睇
市場之前都給了選擇，所以見到PB個溢價對比一般地產股要高。今次要供股給我的感覺是我買樓收租，依家要我夾份維修外牆，對於小股東真係晴天霹靂。作為客觀投資者，發洩完不滿外，都要面對現實，係公司角度供股集資，減少負債，唔好因為負債太高給減低信貸評級，係亡羊補牢一個好方法。
但係作為小股東真係好想知道，一個房地產信託基金收息收到要供股係甚麼玩法？沒咁多資本去發展，咪安分守己、收下租，沒咁大個頭，唔一定要帶咁大頂帽。要知道，唔係個個小股東都有餘錢去供股集資，當然我都希望今次可以共度難關，幾年後讓市場證明今次供股係明智決定。
紅磡索螺絲
80後財務自由全職炒家
fb︰https://www.facebook.com/80hhslc
YouTube︰https://www.youtube.com/channel/UCxgro_A0DhEd_qXb-4_k_gA
本欄逢周三刊出
全職炒家 - 紅磡索螺絲 舊文
本文作轉載及備份之用 來源 source: http://hk.finance.yahoo.com