知行經過近兩個月煎熬，終於由0.4元水平彈升至昨日最高0.65元，升幅超過六成。
第一隻︰味千中國（538）。嚴格來說，唔算係愛股，用又愛又恨去形容更貼切。業績後一直捱打，因為有隻基金不停沽貨，昨日SDI顯示，基金最新持股已降至4.99%，意味嚟緊沽貨不用再申報。單睇數字，短短一個月沽
咗11球，要錢唔要貨態度明顯，以集團超高cash及turnaround中的業績，我點都唔會喺呢個位斬，唯有咬緊牙關捱落去，等雨過天青。
美股外幣即時報價 多國新聞任睇
第二隻︰中遠海運（517）。呢隻其實冇乜更新，因為公司出名少新聞，唯一可以講嘅，就係近期多咗唔少人推介，可能因為股價keep住破頂，觸動了他們的神經，爭相加多兩筆。只能夠講，以現階段嘅淨現金及股息率水平，絕對有力再上一層樓，set好止賺位持有，坐得舒服。
知行夥A股龍頭合作
第三隻︰知行集團（1539）。經過近兩個月煎熬，終於由0.4元水平彈升至昨日最高0.65元，升幅超過六成。收市後發通告，與A股通威太陽能建立戰略夥伴關係，兩者將與當地客戶合作為中東、中亞、東南亞及東亞地區的地面及屋頂太陽能發電市場提供合作品牌太陽能設備產品，預計到2030年市場規模將不少於30吉瓦；另通威太陽能同意在同等市場條件下，以最優惠價格向集團提供最優質的產品，而通威太陽能亦擁有成為集團所發起項目供應商的優先權。值得留意的是，通威是2022年以來全球最大的多晶矽片製造商及全球最大的太陽能電池供應商，來頭不少，且看今次合作能否令股價突破6月高位，向0.8元進發。
唐牛
fb︰https://www.fb.com/tongcow88
IG︰https://instagram.com/tongcow_88
YouTube︰https://www.youtube.com/channel/UCLwEpfQ6w1d-MUVlAS86QcQ
本欄逢周二刊出
魚樂無窮 - 唐牛 舊文
本文作轉載及備份之用 來源 source: http://hk.finance.yahoo.com