中資搶誠哥閘五折促銷
中資搶誠哥閘五折促銷
中資搶誠哥閘五折促銷
有地產代理業界話月尾財政預算案肯定撤辣，對樓市一定有振興作用，呼籲買家有買趁手。但同一時間，中資地產商就偷步減價賣樓，一劈就兩、三成起跳。遠洋在旺角的千望，上星期將折扣由27%，增加到46%，差不多五折，雖然面價是市
場策略，但減兩成有多少是事實，一個周末成交4夥，成今周新樓銷售冠軍。是，4夥就已經是冠軍，市況如何一清二楚，跟上年千人迫爆售樓處成強烈對比。
火炭中洲置業星凱．堤岸亦然，累減35%，之前買入低層呎價比現時高層更高，錄破紀錄睇樓人數。碧桂園九龍城亦有新盤減價三成，由22年折實賣二萬四一方呎，減至近日萬六至萬九一方呎。在此之前，有傳誠哥頭馬趙國雄接受記者訪問，被問到黃竹坑港島南岸3期開賣會否再現深水炸彈價，他的答案是：「食得幾深，蝕得幾深。」清晰顯示長實會不惜蝕本賣樓套現，因現市況愈想賺錢愈會蝕錢，他自爆成本是兩萬八一方呎，即開價會低於兩萬八也說不定，只是會睇埋預算案開估減辣先最後決定開價。
老實講，如果上年這期間撤辣還有效果，但現在跌勢已成，全民睇淡，撤辣只是回到原點，或對市場沒有有任何幫助。正如有人遇溺，救生員不是第一時間人工呼吸心外壓，過幾分鐘睇定先再做，本來有得救都變無得救。當然，政府無責任要救樓市，但樓市影響賣地成績與消費，遲救同唔救分別不大，邏輯上是放棄救財赤。另一角度睇，是政府的大愛，寧願財政過千億見紅，也要幫無殼蝸牛可以低門檻上車，23條立法在即，政府所有事都是對的。
HEA富專欄 - 郭釗 舊文
本文作轉載及備份之用 來源 source: http://www.am730.com.hk