關志康 - 嫁入豪門荊棘滿途 | 神耆商機
早前聽到一班有錢佬對近日多宗離婚的八卦新聞議論紛紛。有位名人說：「我之前經常同我的夥記講『你有幾叻？我結婚都多過你升職。』但𠵱家仔大仔世界，要自己經歷。你勸是無用的，反而影響父子關係。」
有位有錢人分享：「其實嫁入豪門，或者娶有錢女，
一點也不好玩。你無事業，人哋話你無所事事，只懂日日去健身；你努力搵工，甚或做點小生意，老爺又覺得你影衰佢。」從普通家庭跨入上流社會，往往會造成身份、地位、價值觀、生活方式等多方面巨大差異，心理和行為均不易調整。
另一個老闆說：「這一代的父母都好叻，唔會再提甚麼『木門對木門』，但暗中已經為仔女規劃好。最基本的衣食住行一定無憂，但大錢卻不會到仔女手上，佢嘅另一半就更加唔使諗。」事實上，豪門家庭通常擁有龐大而且複雜的財產，並有很多方法隱藏或轉移，即使是枕邊人也很難查明真實財產狀況。
一位富豪笑言：「個仔離婚我預咗，但『分身家』呢支歌仔已成絕響，原因好簡單，因為我個仔根本無自己錢。家事法庭？我一堂律師費20、30萬，訟紙都200幾頁；你冇律師，自己識打嗎？」有錢人有強大的團隊和資源，可能提出無謂反訴，以動用各種手段阻撓或拖延訴訟。「就算判了20萬一個月贍養費給你，我畀了1年就唔畀，你又可以如何呢？又告佢嗎？」
有長者總結：「壽命延長，子女分錢有排等。『失匙夾萬』越多，其實我們老人就越得益，七老八十還大有市場，忘年戀、爺孫戀、主僕戀等見怪不怪，多少反映嫁入豪門路途坎坷，值博率越來越低。」
健康教育基金會主席
關志康
神耆商機 - 關志康 舊文
本文作轉載及備份之用 來源 source: http://www.stheadline.com