陸羽仁 BLOG 2012年7月11日
傻仔市
2012/7/11 上午 09:33:10
網誌分類: 經濟
美國股市昨日係一個反應遲鈍的傻仔市。開市前歐洲股市造好，英國5月製造業生產好過預期，歐元區財長會議達成協議，批出最多1000億歐元援助西班牙銀行業，西班牙10年期債息即時回落至6.8厘水平，歐洲股市昨日反彈，美股杜指開市都抽高近100點，但好快就掉頭回落，中午打回原形，午後開始下滑。收市倒跌83點，收12653點，標普500指數表現更弱，跌11點至1341點，跌幅0.8%。
美股腳軟的其中一個主因是貨車製造商Cummins的業績公布消息，Cummins「宣布提高派息25%」，表面睇好似係好消息，其實Cummins的業績及前景預測令市場非常失望，佢降低2012年全年收入預測至只是和持平去年收入持平，並沒有市場預期的10%增長，Cummins行政總裁Tom Linebarger並指出，放慢的市場不止在美國，亦包括巴西、中國的印度。市場對此反應好大，Cummins自己股價跌8.9%，並拖低整個大市。Cummins係造貨車，貨車製造業掂，預示貨運的需求大減，即係全球經濟增長都唔得。
不過CNBC「瘋狂金錢」節目主持Jim Cramer就笑市場反應太慢直如傻仔一樣，因為早一晚美國鋁業公布業績後，美鋁行政總裁Klaus Kleinfeld已特別指出，貨車製造商上季戲劇性地大幅降低鋁訂單，而且事情還會再轉壞，然後才會轉好。所以Jim Cramer話，美鋁等如告訴大家「快快去沽Cummins啦」。但係Cummins昨日開市仲升1%，然後慢慢才插。
我話美股呢個傻仔市，除?鷒雈奕黤L留心細節之外，還因為市場對大變的判斷十五十六。包括美國在內的環球經濟放緩已是不爭的事實，但投資者對此消息有時看淡，好像昨天，有時看好，認為聯儲局放QE3為期不遠，所以有點唔識反應，甚至反應怪異。
經濟差，風險增，令美元轉強，唯一壓抑美元大升的因素亦係可能有QE3。,美元兌六隻主要貨幣的美匯指數最新報83.4，係2010年7月以來高位，唔夠一年內升了13%！美元轉強主要係全球經濟不穩，嚇怕投資者，歐洲危債懸而未決。中國經濟愈睇愈叫人心寒，通脹率持續收窄，昨日中國公布的進口數據大幅差過預期，進一步反映國內經濟活力減弱。美國就業市場狀況每況愈下。投資者紛紛將資金從股市抽走，轉投較安全的美元債市，推動美元向上。
美元走強，對股市有兩大壞處，首先係推低大宗商品價格，而標普500成分股當中，約有20%的股票表現直接與大宗商品期貨價格相關，其次係美元強勢影響出口，直接打擊以出口為主的企業的競爭力及盈利，昨日表現最差的杜指成份股係出口大型機器的Caterpillar及美鋁(Alcoa)，分別跌3.5%及4%！
美鋁昨晚公布業績，為美企第二季度業績公布潮拉開序幕。美鋁上季每股賺6美分，好過市場預期的5美分，叫做好過預期，主要因為佢做預期管理做得好而矣。美鋁去年同期有32美分盈利，上季按年比較盈利倒退都好嚇人。分析員見到上半年全球經濟唔弱，紛紛壓低美企盈利增長預期。市場預期標普500成份股第二季盈利同比增長5.7%，如果扣除美銀(BOA)去年的特大罰款拖低去年基數的因素，盈利增長預計只有0.6%。可以講係接近無增長。關鍵問題係盈利預期已被壓低，但是否足夠低呢？
睇大市走勢，反應投資者唔係幾樂觀。全國獨立企業聯合會昨日公布，6月小型企業樂觀指數下跌3點至91.4點，係2011年10月以來最低值。美股滿佈陰雲，等待救贖。
陸羽仁
回應(8) 我想回應
陸羽仁 BLOG 舊文