投資的天空：保留子彈等機會 - 張士佳
上周五晚，外圍將伯老在Jackson Hole年會上的說話，演譯為儲局已準備好推出QE3，而時間很有可能在下周的議息會議上。
現時投資者常期望放水，美國、歐洲以至中國，基本上日日都係炒究竟邊個會放水，筆者講過美國要放都係基於政治原因，歐洲則源於結構上的問題，放唔放都係半死不活。
至於內地，最新公佈的製造業數據，不論是官方或是?豐編製的，皆令人大失所望，基本上已攻破坊間指內地經濟已於第二季見底之說，前日亦有人炒作這樣或加快中央放水，但市場話咁快又平靜下來，因為寄望中央要像08年般放幾萬億元似乎唔實際，其他手段亦不外乎減息、減存款準備金率等，但之前減?幾次都好似無起色，投資者漸漸覺得無希望。
無疑，改變是艱苦的，內地或需要更長時間才能經濟轉型，作為一般投資者，現時應以現金為王，意思不是叫大家唔好投資，而是時刻要保持一定現金水平，以免機會出現時也無子彈。
至於組合，今天打算減一減好倉，先以開市價沽出中生製藥(1177)，另外，聯塑(2128)如跌穿3.56元，亦會沽出一半。
作者：張士佳、曾卓鋒(寶來證券(香港)業務經理)
逢周三、五刊出
上一則: 青心直說：厚顏企業賴地硬 - 胡孟青
下一則: 外幣兌港元
投資的天空 - 張士佳 舊文