中環在線：BSD夠狠買樓等於要開名 - 李華華
有?BSD後，買家要玩神秘，就要畀多15%稅?成本，好似買OPUS就要?多6000萬出?。
政府上周五推出「曾兩招」，其中一招，向非香港永久性居民，包括公司，收取樓價15%作為「買家印花稅」(BSD)，呢招最多有錢人談論緊，事關好多有錢人鍾意用公司名義買樓，尤其係海外註冊公司，等人查唔到買家真正身份，又可以避稅，佢?以後想用呢招，唔係話唔得，畀多15%囉。
用15%玩神秘值咩？
好多富豪鍾意用公司買賣物業，事關轉讓公司可以省下一大筆印花稅，但只限於相熟朋友之間先會咁做，咁先唔怕對方隱瞞公司有其他債務。另一個好處就係隱藏自己身份。
近年豪宅樓價不時出現天價，每逢有天價成交，大家最想睇相關?土地註冊處資料，睇嚇買家係邊位，可惜，呢類買得起天價豪宅?買家通常唔想大家知道佢?真正?身份。
最經典莫過於恒地(012)天匯，恒地09年底話以天價4.39億沽出一夥，旋即引來全城傳媒發掘誰是買家，故事發展落去變成大批撻定同商罪科介入。近期?，太古地產(1972)4.3億賣?個OPUS傲璿8樓單位，由於又係以公司名義買，買家身份只有佢本人先最清楚。
有?BSD之後，公司買樓就要先畀15%，想隱藏身份?買家，斷估冇理由畀多15%樓價來買個神秘身份?，假設4億買件貨，BSD要6000萬喎，呢個數買多間細?都得啦。
諗諗嚇，呢招除?趕走炒家，仲嚇走神秘買家，唔知邊位高人諗出來呢。
李華華
mailto:LiWaWa@AppleDaily.com
09年天匯以4.39億元天價成交，引發全城發掘「誰是買家」，最終要警方出動查埋一份。
上一則: 國策透視：肖鋼，你好?！ - 郭小民
下一則: 中環在線：?豐好打過林鄭 - 李華華
中環在線 - 李華華 舊文