投資的天空：價殘股接力炒上 - 張士佳
外圍續高位窄幅上落，內地未開市，令港股過去兩日欠缺方向。前日大市一度升至21000水平，做出近期高位，稱之為突破似乎有點勉強。
然而，在實際操作上，大體上並無影響，因為始終以?股為主，這兩天股票亦算對辦，雖然昨日有部份領先板塊如電訊設備股要?一?，但同時有其他板塊如體育用品股、紙業股等接力炒上，而這兩個板塊都屬於殘股一類，可見資金夠膽追逐高Beta股，而非只係著重買入REITs及公用股等防守性高的板塊。
一般投資者亦毋須深究前日的突破是真是假，如筆者之前所言，只要有貨底，並保持一定現金水平，大市的上落暫時唔需要太過在意。如果確認用時間消化調整壓力，到真突破時就可以利用手上資金加注，如係假突破，到調整時亦有子彈低撈。做好功課，時常預備多幾套方案，即使遇上市況波動亦懂應對。
至於板塊方面，近日醫療保健板塊亦見異動。人口老化，醫療保健需求增加是長遠趨勢，不過揀股須很小心，現時市場明顯較鍾愛做醫療設備及分銷零售的企業，製藥的較為個別發展，或者投資者始終怕藥廠受制政策抑壓毛利，既然市場喜好如此，大家買入此板塊時亦不妨參考。
與曾卓鋒(元大寶來證券(香港)客戶經理)聯合執筆(逢周三、五刊出)
作者：張士佳、曾卓鋒(元大寶來證券(香港)客戶經理)
上一則: 青心直說：瘋搶樓拖低回報 - 胡孟青
下一則: 外幣兌港元
投資的天空 - 張士佳 舊文