中環在線：與廖氏富三代做partner龔耀輝賣咖啡 - 李華華
曾以筆名方卓如寫財經專欄?會計師龔耀輝近年相當低調，只係久唔久見佢用真名寫專欄，早幾個月好多人以為佢會出選立法會會計界議員，點知佢直情連影都冇，原來佢鍾意?陳豪鍾意??，新近投資?銅鑼灣一間咖啡店。
■廖偉芬(左)搞咖啡店，資金同經驗都大把，今次搵埋龔耀輝(右)做拍檔開姊妹店，擺明益佢啦。
最低消費70蚊
龔耀輝投資呢間咖啡店叫The Coffee Academics，係咖啡連鎖店caffe HABITU?姊妹店，老闆係創興銀行(1111)創辦人廖寶珊家族第三代成員廖偉芬(Jennifer)。咖啡店已開?幾個月，呢個星期一搞?個酒會，部份人收到龔耀輝?請柬，先知佢走去賣咖啡。
龔耀輝強調，自己只係小股東，佔好細份，純粹想學做其他生意，仲話近年冇玩低調，只係專心搞自己間顧問公司?。龔耀輝仲係會計師公會理事會理事，任期兩年，如果要連任，明年底先要出來選，最近佢就積極幫老友鄭中正尋求連任。
講番The Coffee Academics，呢間咖啡店應該走中檔路線，門口貼住張紙寫明最低消費70蚊，一杯咖啡廿幾蚊至五十幾蚊都有，地下飲咖啡，一樓係餐廳，各適其適。Jennifer 03年開caffe HABITU，發展到有姊妹店，證明富二、三代當中都有識做生意?。
李華華
mailto:LiWaWa@AppleDaily.com
■The Coffee Academics?正銅鑼灣鬧市，唔愁冇人流。陳奕釗攝
上一則: 樂香園：人保的弱點 - 海迪
下一則: 中環在線：利嘉閣裁員廖總話好消息 - 李華華
中環在線 - 李華華 舊文