投資的天空：有心人上下其手 - 張士佳
財政懸崖問題日日都有唔同版本，早幾日話有望解決，美股連續兩日升過百點，點知前晚又話有隱憂，跌返差唔多一半出?，其實通通都係藉口，不過，一日未有結果，一日都仲會有人利用呢個藉口搵食，所以港股近日無定向咁走上走落。
士佳冇乜點理會懸崖新聞，因為知道呢類所謂消息，其實都係有心人藉機上下其手，妥協是必然的，只是時間問題。況且傾掂之後，亦唔代表個市會爆升，說來說去都是預期問題，既然大家預期?，到真係解決之時，來個反高潮反而似係更理所當然。
講到好似有點淡，其實筆者與之前睇法無變，暫時仍然係睇反覆上23000，叫得反覆，當然係覺得唔會直線上升，近日的市況亦算?合，升上去好似唔夠力，但高位依然漸漸提高，早前嫌上升水位已不足，減了點股票倉，現時睇番都唔覺蝕底，因為近日大市其實比個股硬淨，無疑係有不少落後股抽?上?，但整體而言，股票實在稱唔上出色，如無特別情況，除了貨底之外，短期都係以落後股來應市。
組合方面，昨日提及升穿15.56元買入26000股創科(669)的指令為長期指令。
張士佳
元大寶來證券(香港)業務及商品發展總監
與曾卓鋒(元大寶來證券(香港)客戶經理)聯合執筆
(逢周三、五刊出)
上一則: 青心直說：金融猛人齊訪港 - 胡孟青
下一則: 炒友Blog：業務出穀底神華試40元 - 邱古奇
投資的天空 - 張士佳 舊文