投資的天空：大市雙頂機會增 - 張士佳
早前坊間好多人怕雙頂，士佳反而無任何恐懼感，還一直在本欄稱今年高位未見，值得小注買牛證。前日大市真係穿一穿頂，似乎解除市場對雙頂的恐懼。不過當大家以為威脅解除，大市卻在高位乏力，收市更跌至21700水平。
筆者對假突破有所防備，因此前日亦在網上跟學員提及，若企唔穩反而要減持，當然自己都估唔到高低波幅超過400點，所以亦唔算減得太多，好在股票整體跌得算少，唔會太過蝕章。
有部份早前持雙頂看法的市場人士，覺得這是突破後震倉，是大戶慣常技倆。但事實上，期指跟隨美股低開，下晝有一段受A股帶動上返21800，但3時後又落返。我現在會開始擔心雙頂，如期指盤中跌穿21613，將更積極減持及做對沖。
組合方面，亦會基於以上策略作調動，若期指跌穿上述關鍵位，會以市價沽出手頭上的達進(515)、華能新能源(958)、及華潤水泥(1313)。如果期指以裂口跌穿以上關鍵位，則會待其跌穿現貨開市5分鐘後的低位，以上指令才會執行。
筆者持有達進、華能新能源及華潤水泥
張士佳
元大寶來證券(香港)業務及商品發展總監
與曾卓鋒(元大寶來證券(香港)客戶經理)聯合執筆
(逢周三、五刊出)
上一則: 青心直說：廣汽奇瑞閃婚有理 - 胡孟青
下一則: Follow Me：MI能源反彈中未升夠 - 高彰坡
投資的天空 - 張士佳 舊文