中環在線：上市券商捱唔住求賣殼止蝕 - 李華華
■同天氣一樣，恒指近日陰多過晴，噚日收市升?幾十點咋。程志遠攝
港交所(388)舊年開始推行延長交易時間之後，經紀晏晝冇啖好食之餘，時間亦越來越難捱，事關大市成交弱過藥煲，經紀好多時坐足一日都冇柯打，部份家庭式證券行靜靜雞結業不在講，新近聽聞一間細市值?上市券商亦放緊盤，想成隻殼賣咁話。
放盤一個月殼價值3億
呢兩年市場水源嚴重不足，大行裁員，細行執笠，呢?已經唔算係新聞，好多老闆都做到意興闌珊，傳聞中話放盤?呢間上市券商，最新業績都係麻麻?，收入下跌，搞到蝕錢。
聽幫手放盤?中間人講，由於呢間公司唔止一個股東，股東之間唔係咁夾，見個市冇乜起息，生意越來越難做，所以決定放盤，話曬係上市公司，唔係普通一間證券行，家主板殼價點都值3億，老闆們希望賣到個好價錢啦，好似話已經放?聲氣一個月左右。
睇番港交所資料，今年1至10月平均每日成交得530億左右，10月份A、B組，即首65間證券行已經佔市場89%，剩底11%由四百幾間證券行瓜分，每間細行分到幾多真係有數得計，加上租金上升，傭金越來越平，證券行邊有肉食呢？難怪幾個證券業組織今日要去立法會聲援張華峰議員喇。
李華華
mailto:LiWaWa@AppleDaily.com
上一則: 佐敦諾富特資策有意重建
下一則: 中環在線：郭敬文包尾睇日出 - 李華華
中環在線 - 李華華 舊文