陸羽仁 BLOG 2013年6月10日
口術
2013/6/10 上午 09:36:44
網誌分類: 經濟
美國上周五公布5月非農就業人數增加17.5萬人，略為好過市場預期，反映美國經濟仍在繼續復甦，但係又唔係咁勁，無上到20萬的數字。而失業率輕微上升至7.6%，可以話呢?矕N業數字屬於唔冷唔熱的類別，讓投資者覺得聯儲局唔會咁快縮減債券購買規模。
美股在收水預期降溫下，扭轉近期回吐的態勢，上周五顯著反彈，杜指大漲208點，報15248點，標普500指數升21點，收1643點。全個星期計，杜指仲要升0.9%，標普500指數漲0.8%。
聯儲局主席伯南克曾經表示，如果就業市場持續改善，聯儲局將開始逐步退出刺激性貨幣政策。而市場普遍的共識係非農就業增加人數接近或超出20萬人，就業市場才算係有改善，而現況係非農就業的增長不太強勁，截至5月，非農就業已連續三個月達不到20萬人，完全沒有去年底至今年初的強勢。
投資者見就業市場唔係好得，對聯儲局「收水」的憂慮隨之緩解，又放膽入市。事實上，量寬政策實行了三年，各界毀譽參半，聯儲局面對的壓力不低。睇聯儲局官員近期頻頻吹風，話好快會「收水」，明顯做緊「期望管理」，讓投資者做好有心理準備。有伯南克喉舌之稱的《華爾街日報》記者Jon Hilsenrath上周五撰文預告聯儲局下周會議議後會暗示今年減低買債規模，更屬至今放出最大的氣球。
上周五，連前聯儲局主席格林斯潘(Allen Greenspan)，都趁住市場氣氛仍然高昂之際，出來插科打諢。格老向CNBC表示，即使美國經濟仍未做好準備，聯儲局也應該馬上縮減每月850億美元的債券購買規模。他稱，「聯儲資産負債表過於龐大，越早控制過度的資産負債表水平越好。市場現時普遍在假設我們可以無限期的等待，以及可以決定何時採取行動」，他認為市場不會容許我們這樣做，亦唔清楚市場會否提供一個容易的出路。
他認為現時的重點不是何時縮減買債規模，而是何時逆轉聯儲局的負債表方向，由增加變成減少。他指出即使縮減買債規模，聯儲局負債表仍然在增長。格老的意思係話聯儲局不單要減買債，不單要停止買債，仲要調頭將手上持有的債券沽出，即係唔止要停止放水，仲要收水??/span>。
格老又談到利率問題，話聯儲局推行接近零息政策，係幫助推動股市向上的力量，利息正處於低過正常時期狀態。美國將面臨債券價格下跌，長期利率上升的情況，問題只係唔知道上升速度會有幾快而已。他警告投資者要做好利率會較預期升得快的心理準備，因為利率一旦向上，速度唔係政府可以控制得了。
他最後補充，聯儲局過快縮減寬鬆政策，或會驚擾市場，而市場本來就存在頗大不確定性。而經濟現有的最大正面力量係很高的股票溢價(equity premiums)，意味著股價下調的空間有限。
千萬不要把格老看成伯南克的代言人，他們不是同一路人，格老是否想看見伯南克成功，亦很難說。格林斯潘過去長期執掌聯儲局，任內好評甚多，但離任後就被批評為放水過鬆，美國政治經濟一有問題，佢就減息，實行「無痛政策」，將經濟問題如政府高赤字、人民過度借貸埋在地氈底，結果就出現了次按危機。如今他對伯南克的意見正正也是放水過鬆。但身為主事者，放水係無痛選擇，收水萬一收到經濟衰退停不了，又如何收科? 所以伯南克主觀上應不想太早收水，以免經濟又轉差證明自己唔得，但客觀上過度放水長線的危險亦大，或者出?口術，預告下半年可能減少買債，過幾個月睇睇情況如何，都不失為一種進可攻，退可守的辦法。
陸羽仁
回應(8) 我想回應
陸羽仁 BLOG 舊文