陸羽仁 BLOG 2013年7月25日
息升大勢
2013/7/25 上午 09:33:17
網誌分類: 經濟
美國10年期國債債息昨日攀升7個基點至2.578厘，最新報2.6厘。利息攀升，公用事業與房地産建築商板塊大幅下滑，係昨日拖累美股先升後跌的主要原因。杜指收市跌26點，標普500指數跌6點，叫做從高位回番少少，但係回調力度相當輕微。
CNBC網站的人氣節目「瘋狂金錢」主持人金馬(Jim Cramer)雖然係好友，但亦提醒投資者留意一個股市的「無聲殺手」(silent killer)正續漸逼近，呢個殺手就係利率上升，他從美國經濟的幾個現象得出這個推論。
首先係美國房市近期真可謂熱火朝天，6月新屋銷量較上月增加8.3%，創五年多新高，房價年內漲了12%。其次係汽車市場亦非常強勁，而汽車係美國人的必需品，汽車銷售有增長，反映美國整體經濟唔會差得去邊。在今年頭六個月，美國皮卡車(小型客貨車)銷量激增22%。美國最大汽車製造商福特汽車昨日公布季度業績，利潤超出了預期，且上調了全年利潤與銷售額目標。
第三係航空公司生意都得，Delta及US Airline生意好轉，營運狀況亦愈來愈好，再加上全球飛機製造商波音公司及United Tech業績強勁，波音第二季度凈盈利增長13%，預計這些企業將大量增聘人手，以應付市場需求。
Cramer認為經濟大幅改善，無可避免會帶來一個後果，就係利率上升，事實上，美國利率水平相對現時的經濟狀況係荒謬地低，例如美國10年期債息就起碼係3.6厘，唔係現時的2.6厘。當然，長期來說，利率隨著經濟改善而提高係好事，但短線而言，在市場憂慮聯儲局退市的情況下，利息攀升，將不可避免成為股市的殺手啦。
另一個值得講?的話題是蘋果光環褪色，中港不愛iPhone了！蘋果上季業績勝預期，但盈利增長引擎大中華區，第三季(4至6月)收入只有46億美元，按年跌14%，按季更是跌43%，是過去三季以來首次下滑。據IDC報告，三星在智能手機市場佔有率拋棄蘋果愈來愈遠，今季首季三星市場份額由29%增至32.7%，而蘋果則由21.8%降至17.3%。
行政總裁庫克(Tim Cook)點名指香港表現差影響大中華區表現，暗示或與水貨客減少有關。我估庫克都唔係幾知發生乜事，香港銷量減少，其實同本地年青人大量轉用三星手機，以及內地人開始不愛蘋果有關，若大陸需求大，點打擊都有好多機運番去。我最近去北京一轉，有一個民企高管話俾我聽，最近他的朋友群體中，最後一個用蘋果iPhone的都轉三星了，即係無人再用蘋果，可見iPhone在內地好唔掂，唔用iPhone都是那些原因，螢幕細、無新功能諸如此類，所以蘋果股價雖然因為業績如預期彈?，真係唔好太高期望，特別對佢新手機唔係太睇好，萬一去到一個觸發點一出好多人話唔好，蘋果股價就會跳崖。
陸羽仁
回應(7) 我想回應
陸羽仁 BLOG 舊文