異動空間：攬實超級現金牛
市場一片亢奮下，恒指始終企唔穩25000點，上周摩通出報告，高唱32000點冇難度，魏力當時指要小心，因觀點站不住腳，純粹博出位，情況跟2007年「神華101」報告同出一轍，結果指數寸步難移之餘，二三線股更廣泛散水，建議戰友有糊先食，持盈保泰，9月證實虛驚再衝過。
美股創歷史新高，中港股市越追越落後，反映緊乜?？港?處7.75強勢，藍籌業績普遍ok，新股抽水潮過?，批股、供股不多，基本因素不成問題。陰謀論指阿爺要隊散個市，賴落佔中，以群眾壓力迫佢?收手，實際是多餘。平心而論，特首選邊個，點樣選都係阿爺話事，你手上有票定冇票，對賽果零影響，根本毋須費神搞?個市。既然解釋唔到就無謂亂估，最簡單就係跟資金走，電訊股、石油股、藥股強勢，揀股就向呢幾個板塊埋手。
超級現金牛中信電訊(1883)昨逆市創52周新高，呢隻澳門電訊霸主上半年收入按年飆1.2倍，撇除去年一次性收入，經常性純利大升1倍，自由現金流7.3億元，手頭現金增近4億元，加上增加派息，憧憬年內發4G牌等因素，難怪業績後獲資金追捧。戰友可候3元附近吸納，中線目標3.6元。
魏力
http://www.facebook.com/2012jason
魏力
異動空間 - 魏力 舊文