魚樂無窮：擁三大武器的半新股
■陳爽任主席的中國飛機租賃，只要守穩招股價5.53元，一飛沖天難度不大。資料圖片
變身淡友文章出街後，鄰居高明立即挑機。冇錯，原本諗住大市可直撲28000，但客觀形勢似乎唔得，唯有將賬面利潤袋住先，28000由短期變中期目標。恒指起自5月?升浪一路未曾跌穿50日線約24000水平，今鋪一於等呢個位撈貨，首選港交所(388)。
中國飛機租賃貨源歸邊
股票向來炒供求，貨源越歸邊，意味市場供應少，要炒上更加得心應手，樓上冇蟹貨?話，憧憬空間就更大，如業績靚仔又有基本因素支持，肯定無往而不利，邊間公司有齊三大武器？中國飛機租賃(1848)是也。
7月上市?中國飛機租賃，因市況不就，公開發售只錄得0.9倍超額認購，上市首日更潛水收場，為有心人提供收貨條件。經一個多月時間，上周五終重上水面，其後更連升三日，完美發揮貨源歸邊威力。除原大股東光大控股(165)持股36.5%外，公司CEO潘志文及中國航天科技集團，分別持股30.9%及6.5%，意味街貨唔夠兩億股，加上接連創新高，蟹貨壓力係零。
公司噚日公佈上市後首份中期業績，收入大升63.5%至4.3億銀，帶動經常性盈利大增79.3%至8,750萬銀。作為內地最大獨立飛機租賃公司，三大航空公司──東航(670)、南航及國航(753)都係佢?客仔，生意不愁。公司剛宣佈以29.3億銀收購四架A320飛機，同時向成都航空及四川航空訂立租賃協議。前景及炒作條件俱備，只要守穩招股價5.53元，一飛沖天難度不大。
唐牛
https://www.facebook.com/tongcow88
唐牛
魚樂無窮 - 唐牛 舊文