魚樂無窮：九成現金靚殼半價賣
■愛高持有淨現金8億元，將蝕錢業務斬纜後，已係靚殼一隻。
市旺當然要?通告尋寶，假期搵到兩隻好?跟大家分享。先有仍停牌?北方礦業(433)，公司上周與中旅金控訂立諒解備忘錄，發行三年期最多7.8億銀可換股債券，年息介乎3至12厘，兌換價0.4元，較停牌前折讓約8%。中旅金控來頭不少，母公司中旅集團與華潤、招商局及光大齊名，同屬四大駐港中資企業，老牌旅遊股香港中旅(308)為中旅集團子公司之一，中旅金控突然與北方礦業扯埋惹人遐想，復牌後再跟進。
買愛高刀仔鋸大樹
創板股慧聰網(8292)發盈喜，預計中期盈利增長超過九成，即第二季盈利達5,711萬人仔，創今浪盈利爆發期新高，股價近期屢下試16元皆不破，隨時見底，以此作止蝕價入場，配合阿里巴巴即將上市有一定值博率。
講返正題，一間公司轉盈為虧，但放榜後不跌反升，兼且逼近52周新高，究竟所謂何事？兩個原因︰一係見底，一係有消息跟尾，工業股愛高(328)就集齊兩大元素。公司原本主要設計及產銷消費電子產品及塑膠產品，後者因表現不佳已終止，事實上，單計電子產品愛高有盈利在手，將蝕錢業務斬纜後，未來業績只會有升冇跌，見底味濃，難怪公司今年積極回購。愛高另一賣點在於持有淨現金8億銀，相當於市值近九成，齋秤業務原來只值1.3億銀，加上大股東及相關人士持股逾五成，說穿了又係靚殼一隻。現價PB只得0.5倍，變相半價大平賣，加上連年派息，絕對係刀仔鋸大樹?最佳選擇。
唐牛
https://www.facebook.com/tongcow88
唐牛
魚樂無窮 - 唐牛 舊文