智取大市：物美估值平等落鑊
呢兩個星期，港股表現並不好過，內地經濟數據差勁，加上內房「金九」唔多掂，雅居樂(3383)忍唔住要搶先供股抽水，因為唔趁而家抽，遲?「金九銀十」過後大家條數都唔掂，就會攬住一齊死，到時想抽水都冇得抽。呢種市況，恒指日日跌，都唔係出奇事。
除?整體市況轉弱之外，另一個現象，係?錢多機會少之下，?錢焗住湧入去遠離實體經濟?國策概念，包括環保股、醫藥股。環保股唔理好醜，全線炒到嘔，康達環保(6136)唔夠兩個月，由低位升超過六成，以年度化市盈率計，同環保股龍頭光大國際(257)估值相差唔夠一成，似乎呢類股份追落後都追得八八九九。
未來幾個月，港股會持續上述兩個特點，第一，無限?資金繼續競逐有限?股票，第二，係避險情緒會提升。增長股升到七七八八，資金或者會搵防守性高?股，估值低殘?現金牛，?未來幾個月相信會加分，趁機中線轉強。
二、三線股當中，物美(1025)係少有符合估值低殘又係現金牛?特點，近期業務似乎有回穩跡象。物美2013年純利倒退24%，至4.59億元人民幣。
至於今年上半年收入升9.2%，至104.33億元人民幣，純利就跌幅收窄至9.8%，至3.07億元人民幣，同店銷售增長0.9%。市場認為?電商衝擊之下，會有下跌風險，但相信現價已經反映?唔少。由於超市係日常生活必需，必有慣性收視，可見將來形成更大衝擊?機會唔大，物美今年盤數亦只係輕微倒退。
現金流強股價跌唔落
財政狀況方面，?年盤數再差，都能夠帶?14.81億元人民幣經營現金流，由於累積多年現金，令佢幾乎變成資產股，6月底淨現金16.68億元人民幣(約21億港元)，而往年部份現金流用?買商舖物業，令其手持物業及設備價值35.49億元人民幣(約44.7億港元)，兩者加埋已佔市值三分之二。由於物美過去每年都能夠提供正現金流，未來只會有更多現金，更加值錢。
物美股價最近一年以至同四年前相比，都大約跌?一半，近期股價有回穩跡象。物美淨計資產同埋龐大現金流，已為股價提供唔少支持力，股價跌唔落。
物美5月至6月期間，股價一度跌破6元，相信係因為舊年差勁業績，加上憂慮電商衝擊令佢未來業績衰多幾錢重。不過，今年上半年業績反映情況唔係預期咁嚴重，7月至今股價呈慢升格局，待股價突破8元配合成交增加，回升至10元似乎係遲早問題。
晉佳
本欄逢周三刊登
晉佳
智取大市 - 晉佳 舊文