陸羽仁 BLOG 2014年10月9日
隱憂式反彈
2014/10/9 上午 08:58:16
網誌分類: 經濟
昨日講完美股唔係咁弱，昨晚美股真係坐過山車咁升番上去。國基會(IMF)前日宣佈調低全球今年經濟預測，特別睇淡歐元區、日本同俄國經濟，三個地區股市昨日應聲向下，其中歐股整體跌近1%，日經225指數及俄羅斯RTS指數齊跌1.2%。相反，IMF大幅上調美國今年經濟預期由0.5%至2.2%，加上聯儲局會議紀要話全球經濟放緩令美國經濟有潛在風險，予人不會太快加息的印象，帶動美股昨日大幅反彈。
杜指收市升275點至16994點，完全收復上日跌幅；標普500指數及納指仲升凸咗。標普500指數升34點，收報1969點，漲幅1.8%；納指大漲83點至4469點，漲幅1.9%。
聯儲局昨日公開對上一次的議息紀錄，當中反映了聯儲局唔係咁急著加息，以及有多家美企公佈了唔錯的業績，亦係推動大市向上的動力。
聯儲局公開最近一次貨幣政策會議紀要。紀要顯示，多位聯儲官員認為，全球經濟增長速度放緩和美元走強，正為美國經濟前景帶來潛在風險。「如果海外經濟增長速度弱於預期，美國的經濟增長速度也可能低於預期。」歐洲經濟不斷放緩與低通脹，意味著美元匯率可能會進一步上漲，從而導致美國的出口受到抑制，並且限制著美國通脹率的上升的速度及幅度，預期美國通脹率在長時期內都達不到聯儲局的2%目標。而IMF日前發表睇淡歐洲經濟預期的報告，正好成為聯儲官員擔憂的佐證。
昨日，芝加哥聯儲主席埃文斯(Charles Evans)則從勞動市場狀況補充聯儲局對幾時加息應保持「特別耐心」的原因。佢話從一系列指標睇，美國就業市場上的鬆弛狀況比失業率指標所顯示的更加嚴重，這意味著失業率指標誇大了就業市場的健康程度。他認為一個健康的就業市場會帶來穩固的工資增長，但在過去6年，工資增長率卻只有2%的增長，應該有3%到4%才算正常。
由於聯儲局的17位高官，有16位(除了里奇蒙德聯儲主席拉克爾(Jeffrey Lacker))都表現出這種被視為「鴿派」的態度，市場對加息的憂慮可以緩一緩，大市又多把勁反彈啦。
另外，美企業績公佈潮展開，昨日全美最大的會員制超市好市多(COSTCO)宣佈盈利增長13%，同家店面銷售收入與來自會員費的銷售收入均有所提高，eBay及亞馬遜公司的同店銷售(SSS)分別增長9.8%及37.9%，亦推高了市場投資情緒。股市恐懼指標VIX指數昨日亦回落12%至13.11。
睇美國經濟復甦步伐係快定慢，睇就業情況及通脹率以外，人民的消費能力有否增加，特別係房地產市道，更係一個好重要嘅指標。買得起樓，唔單止反映當前的人民的消費力，亦反映到他們對未來經濟前景的信心。事實上，多項資料顯示，美國樓市的復甦可能並不像人們想樣咁穩固。儘管美國公寓的空置率已降至13年來最低，但新屋銷售及建造中的房屋的增長數量，仍差過去年的增速。
昨日出爐的一項美國新家庭組成及擁有房屋數量的年度調研，或者可以解釋部份原因。截至3月底的過去一年中美國新增家庭僅為47.6萬戶，而之前兩年的新增家庭戶數平均為130萬戶。經濟學家Thomas Lawler認為，多項調研顯示「美國家庭組成速度降至令人不安的程度。」80、90後購房比率低到令人吃驚，已經成為美國樓市最大威脅。期間，18至34歲年齡段中只有13.2%的人擁有房屋，低過2005年時17.2%的高峰數字，以及前一年的13.6%的水平。
反映的事實係，美國經濟其實仲未係咁好，尤其係年輕人失業率仍然好高，工資加唔到，自然買唔到屋起唔到樓啦。看來，唔係只係香港年輕人上唔到車，美國年輕人一樣上唔到車。
陸羽仁
回應(8) 我想回應
陸羽仁 BLOG 舊文