異動空間：京維筍變導航股
變身股引擎啟動，升浪可以好澎湃！月初推介的暢豐車橋(1039)變身電貿股後升到爆廠，但市值仍不過6.2億元，短線先以10億市值為目標，相當於1.25元。
滬港通車後揀股宜多留意表叔的口味，軍工、?星、北鬥(GPS)等，夠高科技夠神秘，最緊要想像空間大，最易吸引陸資垂青。京維集團(1195)日前公佈，間接收購上海北鬥45%股權，由地產開發及黃金開採等舊經濟業務，華麗變身為GPS的高科技股，概念即刻sexy曬！
睇返單刁，京維將發行3.5億股找數，每股1蚊，即係空手入白刃，唔使自己出錢。換個角度睇，賣方寧接股票都唔要現金，可見到京維股價甚有信心，認為有大炒(起碼升幾倍)的潛力先會咁做，現價入手，只係比配股價高三成，仲有幾多水位，不言而喻。再講，配股完成後，賣方將持有京維13.24%股權，成為最大股東，作為?旗人，股票又上曬手，炒股票誘因大到不能倒！
上海北鬥官網介紹，公司由北鬥導航基金與上海航天局共同出資成立，即係阿爺有份，連央視都有特輯介紹其產品，呢次京維仲唔得米？
魏力
http://www.facebook.com/2012jason
魏力
異動空間 - 魏力 舊文