魚樂無窮：尋找創業板滄海遺珠
■馬仕達第三季盈利1,009萬元。圖為公司主席梁遠豪。資料圖片
滬港通今日開波，新稅制利誘港人及外資搶A股，明顯又係袋住先伎倆。投資額度係咪一開即爆肯定係焦點，由於兩地加埋只係300億錢，秒殺十分正常，如果咁都用唔曬，最擔心?肯定係??港交所(388)同埋券商股?戰友。
殼股同八字頭創業板股近期再翻叮，今日各推介一隻畀戰友參考。恒都集團(725)最新市值2.5億銀，PB0.5倍，年年有息派，屬靚殼一族，日線圖處於三角形末端，上周五有破位跡象，應該唔止一棍咁簡單。
馬仕達三大賣點
創仔馬仕達(8146)集三大賣點於一身︰業績佳、概念足、貨源乾，上星期五撻著引擎，隨時一去冇回頭。講業績，Q3盈利1,009萬銀，較上半年盈利944萬銀還要高，重點有二︰全年業績好大機會盈喜；好快符合轉主板要求，是但一樣都令股價坐火箭。講概念，馬仕達主打移動式照明產品、燈罩、家具組合等，客戶全在北美洲，說穿了係美國復蘇概念股。公司上市兩年多升91%，期內主打同一概念?傢俬股敏華(1999)，升?3.5倍，馬仕達落後程度可想而知。講貨源，最新市值2.6億銀，兩大股東持貨75%，街貨市值幾千萬銀，乾到暈！係咁意去番上市高位0.94元，講緊要升四成，屆時市值4億都未夠。
唐牛
https://www.facebook.com/tongcow88
唐牛
魚樂無窮 - 唐牛 舊文