魚樂無窮：開達兩大概念夠煞食
■開達主要產銷玩具及模型火車，以及物業投資。圖為集團主席丁午壽。資料圖片
月初推介合豐集團(2320)再破頂，不足一個月升足四成，本周五或之前會就交易出通函，有貨?戰友可先沽部份鎖定利潤。公司賣廠房獲利近5億元，成功釋放價值，證明工業股是尋寶樂園。今日推介?開達(180)，絕對有權做合豐翻版！
賣資產+賣殼
開達主要產銷玩具及模型火車，以及物業投資。月初有報道指集團旗下九龍灣開達大廈獲洽購，叫價25億元，足足係開達市值?2.5倍。最吊詭?係，開達竟然否認賣產。老老實實，東九工商廈極速上位，需求直線上升，開達有大茶飯都唔食，原因不出以下兩個︰第一，買家出手太低。資料顯示，開達大廈可申請活化，改作酒店或寫字樓用途，睇番同區其士工程服務中心，以呎價8,500元易手，開達大廈叫價只得5,458元，低?三成有多，開達點會應承，如果改建酒店，身價更加會三級跳。第二，有其他大project。開達中期轉蝕7,262萬銀，今年72歲?主席丁午壽，持股近六成，阿仔丁立天辭任董事總經理，轉做非執董。三樣看似無關係?事件，卻構成賣殼?美麗圖畫！
無論係邊個原因，開達都有爆升條件，現價市賬率只得0.53倍，變相半價大平賣，去邊度搵？係咁意折讓收窄至0.7倍，可見1.41元，潛在升幅32%！
唐牛
https://www.facebook.com/tongcow88
唐牛
魚樂無窮 - 唐牛 舊文