異動空間：炒國藥長短皆宜
大陸下周有22隻IPO招股，沽貨鎖定利潤，換去認購IPO博多鋪相當合理，但以A股近日成交判斷，散水機會甚微，調整亦相當有秩序，相信仍有不少新錢等低位入場。揸住中資股的戰友不妨熄報價機，耐心靜候下輪升浪。
好耐冇講過毫子股，手痕寫一段。去年8月內房中國泛海向誠哥收購和記港陸（715），全購價0.5973元，收購已完成，將易名中泛控股。點解特別提佢？平時買隻殼股，一般都係幾億銀，但泛海買和記港陸，使咗38億，計埋使費，起碼40幾億銀，代價咁貴都肯制，反映兩樣嘢：一、泛海好疊水，家陣A股上市嗰隻都450億人仔市值，幾十億濕濕碎，但生意人最識計數，花得大錢買嘢，日後唔賺番十個八個開都唔收手；二、誠哥呢隻殼係靚嘢，高級殼自然係高級價，夠乾淨，日後注資事半功倍。目前圖表也是相當漂亮，破到0.76元就可大升特升了。至於睇幾多？不要問，應該是想像不到咁高。
博反彈嘅也可留意國藥控股（1099）。發改委表示今年將加快開放藥品價格，做分銷的國藥大成交急彈3%，突破低位橫行區，短線可博返上31蚊，中線有望再創新高。
魏力
http://www.facebook.com/2012jason
魏力
異動空間 - 魏力 舊文