異動空間：
環保概念全壘打
港元超強勢，金管局上周五不停注資，反映中外資齊齊殺入港股，本周勢繼續搶貨。本身有貨宜堅定持有，無貨也可先下一注，再趁調整時分段吸納，再猶疑多幾日隨時食塵，要在大牛市當旁觀者了。
既是港股通股份，又是中外熟悉的，點少得順風清潔能源（1165）？大陸人識順風，因鄭建明係大股東；外國人也識順風，因佢係拯救無錫尚德的白武士，尚德為首家赴美上市的中資民企。資金有限的話，單買一隻順風，就包含光伏發電、風電、海水發電、地熱發電、電動車、LED照明等多重概念，係一隻環保綜合企業股，唔使擔心揀錯隔籬！
去年11月鄭建明認購順風一批CB，換股價7蚊，如全數兌換，鄭建明持股量將升至60%，可見本極睇好前景。現價6.93元較其換股價更低，風險極低而回報高。上月底順風與常州市政府及國企中航信託簽署合作協議，人脈背景啱曬陸資口味。公司去年營業額升2.8倍，毛利升7.4倍，虧轉盈賺13億人仔，現金流飆1.1倍，爆炸性增長擺在眼前，股價突破下降通道後，勢將直撲10蚊！
魏力
http://www.facebook.com/2012jason
魏力
異動空間 - 魏力 舊文