一周三件：
中糧油等炒落後
■于旭波任主席的中國糧油，有炒落後概念。 資料圖片
中糧油（606）喺中糧系統裏面，係PB最抵嘅股票之一，兼價位唔係升得多。北水狂潮，唔計注資嘅concept，中糧油已經夠曬point大炒落後，兼起碼要翻近半番！
中糧系統有8隻中港股票，北水可以透過港股通
參與嘅，有中糧油、中國食品（506）同蒙牛（2319）。呢轉超級牛後，中糧油一年計累升40%咁大把，中國食品同期係升咗106%！
估值平 憧憬重組
而喺北水主場，中糧屯河（滬600737）同期升218%、中糧生化（深000930）升296%，就連無乜人吼嘅內房中糧地產（深000031），炒中糧注資concept，亦已升咗267%。中糧油落後咗大大截，北水係夠曬位帶動落後！
事實亦係咁，北水透過港股通買中糧油，由呢個月頭長假後8號5,000萬股，一個double上到家陣過億股（北水喺蒙牛持倉，得111萬股）。又中糧油現價（4.46元）得0.84倍嘅PB，上邊中國食品2.65倍PB、蒙牛3倍、中糧屯河4.9倍，中糧生化5.2倍。講PB，中糧油起碼平咗70%！
中糧油對口中糧集團，係阿爺點名首批重組央企之一。對上期間，中糧集團先併入中穀糧油，再併埋主打物流瓣數巨頭中糧物流，變身「三糧合一」，仲唔止，再走去出，收購荷蘭大宗商品貿易集團Nidera，形成無論喺糧食呢瓣，無論內外、貿易同物流嘅超級霸主！
諗到嘅係，對口中糧集團所有嘅瓣數完備，下一步，係睇點樣配置業務，去湊大系裏面股份，中糧油一樣有機會玩注資重組。呢轉先湧轉落後，中糧油只係追番最近磅嘅中國食品同期升幅，係講緊要升45%，到6.5元，但PB仍然係平過上邊所有股份。
錢雋
細價股專家
本欄逢周二、三、五刊出
錢雋
一周三件 - 錢雋 舊文