魚樂無窮：靜極思動超值股
■人行雙降，港股未能擺脫高開低收魔咒。 李潤芳攝
人行雙降，港股未能擺脫高開低收魔咒，熊仔街貨重倉區23200至23300全部KO，加上23500點為今次反彈浪嘅0.382目標，短期見頂機會不低，月初叫大家買盈富（2800），唐牛噚日都先行食糊。
而家距離
月底雖然只有4個交易日，卻有三件大事進行中或即將發生，分別為1.五中全會；2.儲局議息；3.期指結算。消息互相角力下，相信指數會窄幅上落。
盈進集團（1386）逆市炒高8%，事緣上周五發通告，股權易手諒解備忘錄將延期一個月至11月30日，託管金額更大增1.5倍至2,500萬，時間與金錢加倍投放，相信好事近了，有貨繼續坐定定睇好戲。
今日推介低調超值股英裘控股（1468），話佢低調，因為傳媒報章甚少推介，但增長潛力卻是非一般。上半年度水貂場種貂數目，由1.4萬隻大增2.5倍至4.9萬隻，大有機會成為毛皮貿易及毛皮經紀業務以外嘅第三勢力。2012年於創板上市，不足三年即升呢轉主板，實力毋庸置疑。值得留意嘅係，英裘市值只得6億，同殼價相若，即係一盤年年賺錢年年派息嘅生意，免費送畀股東，唔係超值係乜嘢？破旗後正在整固，只要守穩批股價約0.2元，以其14倍PE估值計，仲有大把水位。
唐牛
https://www.facebook.com/tongcow88
唐牛
魚樂無窮 - 唐牛 舊文