魚樂無窮：冇手機？死得！
失魂魚上身，唔見咗手機，今日分享冇機在手遇到10件麻煩事。
1.起床。手機鬧鐘、5分鐘一個alarm的，大有人在，傳統鬧鐘早已經被淘汰。
2.迷路。要搵地方，你只會用Google Map，喺某程度上，你同一個遊客無分別。
3.炒股。睇價落盤仆落銀行，秒秒鐘幾
十萬上落嘅你，一早破產。
4.溝通。冇WhatsApp冇facebook，你會彷彿跌入黑洞，不是在地球生活。
5.工作。同上，再加上冇得check email，老細搵你唔到，you are fired！
6.留影。影唔到相，拍唔到片，全部只可以用腦袋裝住，冇得開心share。
7.打機。冇得玩Candy Crush，畀糖你食都冇甜味。
8.音樂。Walkman、Discman全部都係歷史，用App、YouTube聽歌是常識吧。
9.約會。同老婆食飯、同阿仔見家長、同老友飲酒，全部save曬在手機裏，佢其實算係你個秘書。
10.安全感。就算冇嘢做，都要用手指篤下部手機先會舒服，冇咗佢，心理上嘅危機指數，分分鐘高過城大冧天花。
註︰同手機息息相關嘅瑞聲（2018）屢創新高，係有原因的！
唐牛
http://www.facebook.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com