金手指：歐洲銀行準備爆喇
■現金作為資產類別，唔通抬頭了？
呢幾日，好多講英國脫歐嘅文，孫柏文最服嗰篇係曾淵滄博士寫嘅。博士分析因英國人不是笨人，會選有利自己的。冇錯！因脫歐有如上三板，不過離開嘅係已撞冰山嘅鐵達尼。借錢畀各國政府嘅歐洲銀行，喺啲政府還唔到錢、當地人民透過票箱想揀破產
時，歐盟唔畀。要被「拯救」，即歐盟代你還先，你就要大幅加稅減開支還債。有如冰洋中唔救人只派水泡。
做錯唔使受？原來最終都要，你攬啲銀行利益上身？連你都會被打爆。我當年口中隻水泡，就被英國人狠狠咁篤爆。
脫離「北京式」莫視選舉結果嘅歐盟（北京都只管入閘，都未敢逆結果），當然喺香港都有人鬧英國搞公投。用「blunder」去形容辦公投這決定，即唔應該搞。來自文匯？大公？錯。係前輩盧峯先生。
有如我偶像《黑天鵝》作者Taleb幾日前話：「左膠就係咁，選舉結果合意就係『民主』，逆意就係選民無知、非理性、民粹、冇讀書。」
最後，呢八年最令做錯事嘅人唔使負責、被炒同取代，必定係零息政策。2008年證明資本分配系統有問題。知識份子「專家」話：「好似魚缸嘅水，要慢慢換，唔係啲魚會死。」七年後，英國人代表世界話：「我連魚缸都換埋你呀！」
最後，呢刻大家真係唔好買嘢，歐洲啲銀行爆喇。現金作為資產類別，唔通抬頭了？
孫柏文
獨立股評人
http://www.fb.com/shuen
本欄逢周二刊出
孫柏文
金手指 - 孫柏文 舊文
來源 source: http://hk.apple.nextmedia.com