Can Bank：
是否真．脫歐 言之尚早
■如果真係脫歐，對英國當然會有損害，但對歐盟亦好不到哪裏去。 資料圖片
英國今次脫歐公投，留歐及脫歐比數差距不大，加上倫敦及蘇格蘭仍是以留歐為主流，令留歐派諗盡方法，希望將英國留在歐盟內。
現在有四個方法可以揀，方法一：英國脫歐需蘇
格蘭的法案同意書，只要蘇格蘭國會否決有關同意書就可以；方法二：拖字訣，脫歐需要英國啟動里斯本條約50條，英國一直唔提出，拖嚇拖嚇，扮無件事（英國財政大臣亦都講到明，啟動脫歐程序唔急於一時）；方法三：聯署再公投（現在做緊）；方法四：舉行大選，由下議院三分二議員提出提早改選國會，若留歐派勝出，就可以變相推翻脫歐結果。
有咁多方法可以當無件事，可見公投無乜約束力，所以英國係咪真．脫歐，言之尚早，但足以令到環球市場嚇餐死。同時亦都再一次證明歐盟成員國之間關係穩固程度真係幾有限，過去幾年，希臘債務危機引發過脫歐風險，法國、意大利同荷蘭，見到英國一個唔小心就脫咗，亦都心鬱鬱想脫（因為歐盟內真正有咁上下經濟實力都係得嗰幾個國家），如果真係脫歐，對英國當然會有損害，但對歐盟亦好不到哪裏去，隨時面臨瓦解危機。
散子
本欄逢周二刊出
散子
Can Bank - 散子 舊文
來源 source: http://hk.apple.nextmedia.com