智取大市：久沉藥股將復蘇
市況實在唔差，美股整固下，港股以至強勢科網、手機設備股大條道理回吐，結果手機設備股係頭也不回，科網股回吐相當有限兼溫和，龍頭股騰訊（700）整固期間啱啱形成槌頭，反映170元附近幾夠support。策略上，有貨就由佢無人之境落去，實在冇嘢需要update住；冇
貨，見到騰訊股價進一步向上，就可能成為短線上車最後機會，要好好把握。
要買貨，事實上買上述兩個板塊都夠曬，但小弟近期實講得太多，費事再花筆墨重覆。次選係信義玻璃（868）、合生元（1112）及鳳凰醫療（1515）等，冷門股可留意李氏大藥廠（950）。
李氏大藥廠早幾年盈利步入增長期，股價成為變倍器，但港股大時代過後，就進入長期跌浪，股價由15元以上，跌至3月尾5元附近，原因係佢嘅收入高速增長期已過。
李氏大藥廠屬優質醫藥股嘅本質未變，歷史市盈率跌至16.8倍係合理水平，未來收入偏穩，盈利微增長，情況同早幾年嘅羅欣藥業（8058）有相似之處，告別高速增長期後，股價喺固定範圍上落。如果李氏大藥廠情況同羅欣近似，目前股價較大機會處於低位，首站重返8元難度不高。
晉佳
http://www.facebook.com/advanceguy1
晉佳
智取大市 - 晉佳 舊文
來源 source: http://hk.apple.nextmedia.com