魚樂無窮：貨源歸邊盈喜股
■受惠光伏電站大增，協鑫新能源中期盈利將不少於1.3億人民幣。 資料圖片
根據非正式統計，大部份人認為深港通公佈之日，就係大市見頂之時。我就認為，滙控（005）又回購又維持派息，反彈之旅有排玩，港股party唔會咁快結束，結果係點？留待時間證明。上述看法有點
冷門，今日推介同樣有點冷門——協鑫新能源（451），但原因卻火一般熾熱，三大賣點逐個數。
賣點一︰盈喜護身。日前宣佈受惠光伏電站大增，中期盈利將不少於1.3億人仔，以去年同業賺7,120萬人仔計算，增長幅度超過八成，現價僅較盈喜前高半成，值博率有數得計。
賣點二︰供股未炒。去年底進行8供3，供股價0.45元，現價較供股平逾兩成，入場非常安心。仲有兩點要留意，第一，大股東保利協鑫（3800）悉數供股，信心十足，重上水面只係時間問題；第二，保利協鑫同期亦進行供股，現價與供股價近在咫尺，協鑫新能源有幾落後可想而知。
賣點三︰貨源歸邊。睇CCASS資料，首十大券商持有街貨逾九成，相信與供股收乾貨源不無關係，難得港股氣氛熾熱，天時地利人和齊曬，只要有心人吹雞，唔使洪荒之力都砌到飛起！
唐牛
http://www.fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com