異動空間：大浪初起翻身股
■泰坦能源捱過轉型最艱難時刻，進入黃金收成期。 資料圖片
早說耶倫Jackson Hole講話是「講咗等於無講」，甚麼經濟穩步復蘇、加息理據增強、接近充份就業，都是旨在嚇一嚇個市，以免投資者斷定儲局弱勢，肆無忌憚掃股樓債，進一步吹大資產泡沫。再者，黨內外加息之
聲不絕，耶倫要找個藉口不加息，唯有推說「睇埋8月就業數據再講」。
結果數據遜於預期，9月不加息名正言順，大條道理話「唔係唔想加，係數據未夠好，睇多兩個月吧！」儲局把戲一味靠嚇，但市場早已睇穿，共識係年底前頂多加息一次，費希爾車大炮話加到兩次，搵鬼信咩！
講番個股，國策推動新能源車，未來十年銷量要多10倍至300萬架，每部車都要四圍「食飯」，電動樁必然爆炸性增長，據估計未來五年複合增長率達180%，要在其他行業搵到呢個增速？難矣。泰坦能源（2188）在電動樁行業佈局多年，上半年終扭虧賺120萬元，電動車設備業務收入增長1.2倍，佔總收入比例由62%大升至77%，捱過轉型最艱難時刻，進入黃金收成期了！上日大成交突破雙底頸線及250日線，屬大浪初起格，市值輕身僅12.6億元，在盈利、國策雙引擎推動下，不難成為倍升股！
魏力
http://www.fb.com/2012jason
本欄逢周一、五刊出
魏力
異動空間 - 魏力 舊文
來源 source: http://hk.apple.nextmedia.com