魚樂無窮：下隻北水喪買股
■北水南下狂掃滙控，大笨象轉眼化身小飛象。 資料圖片
中資勢力永遠不容忽視，在今次立法會選舉，一聲令下配票，將選票威力最大化，唔到你唔服。股票市場，北水南下狂掃滙控（005），大笨象轉眼由4字頭變6字頭，化身小飛象，更帶動恒指突破一年高位，升到你唔信。
順勢而
行，今日推介新北水概念股中航信（696）。集團原為恒生小型指數成份股，要等年底深港通開波，內地資金先買得，但最新一次恒指檢討，已升呢為中型指數成份股，更於昨日正式生效，報價機已隱然見到北水專用牌「6999」。北水有幾勁？睇滙控你已經知，另一個例子係科通芯城（400），3月升呢做中型指數成份股，北水買盤源源不絕，半年間炒高三成，中航信要做其翻版，一啲都唔難。
講番基本因素，中航信主打內地航空旅遊信息技術解決方案，由預訂機票、旅遊資訊，去到航班升降以及航空公司清算結算等等的業務都關佢事，大數據容量豐富得驚人，由於業務獨特，故此享有較高估值，但是盈利同時追得上，最新中期業績增長三成，24倍PE看似昂貴，實質便宜，你睇騰訊（700）就會明白。走勢破頂再破頂，買定離手吧！
唐牛
http://www.fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com