魚樂無窮：
吼實恒寶有著數
■恒寶消息面同操作面都夠曬份量，嚟緊一年都可以留意。 公司網頁
消息氾濫年代，熱潮一個上晝已變得過時，觀點要夠爆才能在網絡世界生存多幾天。繼星級分析員提出港交所（388）金牛論後，又到星級股評人揚言恒指要見4萬點，都係嗰句，以佢哋今時今日嘅地位，依然夠膽作出
驚人預測，已經KO曬其他行家，但如果係為咗保持曝光率，則證明搵食好艱難。
去年推介恒寶企業（1367），有行家睇好成為十倍股，同樣先聲奪人，能否願望成真，要用時間見證，但公司締造大龍鳳嘅心意，卻是路人皆見。黎亮完成全購後，恒寶即確定開拓金融業務，動作亦陸續有來。上月中連環收購放債企業及持有1號牌嘅財富管理公司後，再訂立諒解備忘錄，擬收購一家持有9號牌嘅目標公司。眾所周知，9號牌乃現今最吃香亦最貴，資產管理嘛，北水南調最佳渠道也。
上月底，恒寶以2.05元配售9,600萬股新股，但股價不跌反升，現價已較批股價高七成，反映貨乾得驚人。畀多個貼士你，今次配售代理為萬贏證券，冇錯，就係威華達（622）旗下、同「三馬」沾上關係那間，消息面同操作面夠曬份量，足夠在2017年喪loop吧。
唐牛
http://www.fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com