智取大市：贏大笨象好easy
■滙控講明短期內唔再回購，股價照升，絕對係好兆頭。 資料圖片
科網股大牛市當中，總會遇上至少一個大調整，但昨日跌市，只係呢一個短線升浪裏面嘅第一次跌市，見頂機會唔大，震倉過後，未來一兩周內，甚至有更急勁嘅升浪。若然有貨避唔過調整，反正都跌咗，都係坐住先，相
信短時間內將會再破高位。
除咗難以避免嘅千股跌市之外，滙控（005）季績的確值得留意，其中經調整後稅前盈利按年升12%，講到明短期內唔再回購，股價照升3%，絕對係好兆頭。
回想起舊年8月中期業績，靠股份回購一招撐起股價，買到今年4月終於肯停，但回購暫停之後，股價並無因此而下跌。今次業績勝預期，暫停回購反而加強外界對股價嘅信心，曲線話畀大家聽：「我盤數得，唔使靠回購都掂。」與此同時，「暫停回購」唔代表「永不回購」，即係話股價、業績有乜異樣，隨時可動用新一輪資金做回購，如果業績得、股價自然得；但若業績衰、股價跌返嚟落低位又可以靠回購頂住股價。中線睇唔出滙控股價有幾差，有埋噚日一棍太陽燭支持下，滙控將變成強勢股。
呢次大笨象玩財技，效果相當理想，股價嚟緊有望進入新一輪升勢，唔嫌大隻嘅話，Easy basket真係唔怕追。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com