財經評論：荃灣新樓貴過南區
■柏傲灣一個三房單位剛以逾2,000萬元賣出，呢個價錢，南區豪宅都買到。 資料圖片
新界樓越升越喪，連荃灣三房單位都炒到過二千萬。以前市區樓價最貴，但近年購買力轉移下，不少新界區物業的樓價已貴過市區，甚至已超越港島傳統豪宅地段。
荃灣新盤柏傲灣一個三房單位剛以逾2,000
萬元賣出，荃灣樓呎價竟要2.52萬元，等同呎價及相若樓價，南區豪宅都買到。
港島傳統豪宅區部份名廈，現時呎價仍是「1字頭」，平過好多新界樓。事實上，如果有二千萬，荃灣未必唯一選擇，南區絕對買到，而且是過千呎三房連車位，可謂大件夾抵食。如新鴻基地產發展的九十年代名廈大潭浪琴園，現有一個低層三房單位以「新界價」放盤，實用面積1,397方呎，連1個車位，業主開價2,500萬元，呎價只是17,895元。沙田上車盤河畔花園，近期成交呎價也要17,893元。
荃灣新盤三房單位，得826方呎，比南區豪宅細571呎及不設車位，定價卻逾2,500萬元。
當然，荃灣同南區各有賣點，但識買，一定買南區。
記者:朱連峰
財經評論 舊文
來源 source: http://hk.apple.nextmedia.com