【大茶飯】七年之癢跟得過（青冰）
誠哥兩年前世紀重組，將地產及其他業務清楚分割，變相減持地產， 市場解讀為看淡樓市，上星期長實地產(1113)宣佈再改名， 又變番熟悉的長江實業集團，個原因係話未來不只限於地產業務， 會積極發展基建及飛機租賃等， 呢個舉動似係進一步減低倚賴本港地產，同時間，
長實的海之戀樓花及幫你一按上車，如果兩者加埋黎睇， 大孖沙已經俾咗貼士大家喇。
同樣係姓李，理文系睇嘢又係眼光奇準的，上周理文化工(0746)一個不起眼的通告，引發青冰遐想。 特別股東會通過向李文恩授出10%股份的購股價，行使價為3. 72，呢位李生係現時的CEO，亦係第二代接班人，在中小型股發option俾管理層，其實係普遍，咁今次又有乜特別呢？
呢個option係有條件嘅，要4年後的業績，比去年賺的2. 17億，有150%以上的增長，才可以在2022年行使。 咁耐之後嘅事，一般散戶都冇興趣知亦唔會等，但如果回帶睇下7年 前的事，你可能有不同的感受。
公司七年前叫做理文集團，業務包括手袋及化工，在2010年5月 亦向管理層授出類似條款的認股權，只要2010年賺錢比2009年多賺115%以上，就可以行使。出通告時股價係約5.90， 行使價係6.69，兩個月後已經升破此價，而又咁巧合，在201 1年的1月就公佈可能分拆手袋業務，理文手袋亦在6月正式上市， 而當時的理文集團，係創歷史高位10.44，換言之， 發通告至見頂，都升咗近八成。不過見頂之後都跌得極快， 四個月內就低見3.44，自此之後股價在行使價樓上只有個零月， 那些年冇行使，認股權最後亦變了廢紙。
今次發認股權係七年來首次，值得尊重，行使價都冇咁進取， 比現價係有16%折讓，年期就長啲，俾足時間阿仔發揮。 青冰在內地新浪網看到，佢地的主要產品甲烷氯化物報價， 比半年前漲價32%，當然，公司咁低調，梗係唔會通知你啦， 你睇番佢地業績內的業務回顧，只有一百字，但唔同你講， 唔代表之後盤數唔靚，相反如果有好消息出來，個反應可能更大呀， 戰友們自己睇實吧。
Fb個人專頁http://www.fb.com/chingbing888
大茶飯 - 青冰 舊文
來源 source: http://hk.finance.yahoo.com