唔買貴嘢6
2017/08/01 09:08:20
網誌分類: 經濟
七月最後一個交易日，美股同上日差不多，三大指數個別發展，杜指最創收市歷史新高，升61點，收報21891點；標普500指數微跌2點，收報2470點；納指跌27點至6348點。
支撐大市的是金融和電訊股，而拖住大
市後腿的是科技股，FANG（臉書、亞馬遜、蘋果、Netflex、谷歌）全部下跌，亞馬遜更大跌3.2%，失守1000美元大關，收報987.78美元。
杜指近日屢創高位，主要是受到美企財報理想帶動。據FactSet數據顯示，至上週五，已公布業績的標普公司當中，有73%公司的盈利和營收都勝過預期。First Standard Financial的首席市場經濟師Peter Cardillo表示，理想財報，加上油價近期已穩定下來，以及持續低企的國債債息或者市場利率，令到美股能夠維持在歷史高水平附近。
金融股係近兩日支撐大市的主要力量，標普金融分類指數升0.6%，領漲大市，其中高盛升0.8%，係表現第三好的杜指成份股。富國銀行上週五又爆出醜聞，在過去6年，多收了80萬名用戶的汽車保險費。富國表示會退回顧客8000萬美元款項。不過，Piper Jaffray的分析師Kevin Barker相信富國銀行的賠償金額會遠超此數，由於商譽進一步受損，收影響股價。富國銀行上週五跌了2.6%，但昨日反彈1.2%，已收復部份失地。對富國銀行股東大難不死，有分析就笑言，「只要市況好，跌極有個譜！」
美元在7月最後一個交易日繼續下跌，反映美元兌6隻主要貨幣匯率的美元指數昨日失守93至，黃昏時跌見92.78，之後略為回升，最新報92.91。至昨天，美元今年已經累跌9.16%，更係連續第五個月下跌，係2011年以來以最長的下跌週期。主因係美國白宮高層又出現人事變遷，僅上任只有11天的白宮通訊主任Anthony Scaramucci昨日被革職，布朗兄弟哈里曼公司外匯策略部門主管Marc Chandler昨日表示，這是政治不穩定令美元下跌。
之前講長線投資，有兩個意見可以提一提。網友依家控股話:「在下唔明白, 點解陸sir強調有自住樓退休後真係得層樓, 要靠強積金過活, 唔提可以做逆按, 而有自住樓“只係”解決住屋問題? 唔講清楚係香港退休後冇自住樓要交租係有幾咁大鑊?」
這裏包含兩個問題，一個是逆按，一個是退休後無樓要交租有幾咁大鑊。先講逆按，自住樓逆按絕對啱，但第一要講有仔女者的心理，若有仔女，例如逆按20年就提清樓價(看每月提出多少，提得愈多，愈快玩完)，一般人心理都盡量唔想做逆按，因為想留少少資產俾仔女。另外有仔女到中年可能要再按樓俾佢地出國讀書，或者俾首期佢地買樓，令樓價餘額減少。第二要講無仔女者的算盤，假設每月提兩萬，讓自己享受退休前的生活，開心去旅行等等。60歲提到80歲提清大部份樓價，餘額要自住不可以再提，咁就要小心啦，未來預人的壽命有100歲，由奢入儉難，呢個算盤要計得準先至得。
至於退休後無樓要交租有幾咁大鑊，是現實問題，所以如果餐搵餐食餐餐清的人，買了自住樓，至少退休後有間樓，唔使露宿。但我地希望目標係財務自由。到60歲退休時，一係既有自住樓，又有可以產生退休前一半人工收入的投資，例如退休前人工4萬，退休後投資收益等如每月有2萬，股息收入不用交稅，退休後又不用番工，2萬月收益可以享受接近退休前的生活，咁就為之理想了。
不論買樓或買股，如當中有一大舊是買得很貴的，退休時跌了下去(買樓有借貸可能變負資產)，就會令退休後無法依靠那些資產產生很多收入。你話買樓自住，若不是一筆付清，利息向上，供樓負擔不斷增加，記住退休前要供斷，否則60歲也要供樓就好辛苦。
另一網友buddaau提另一意見，話「今日陸SIR篇文對一類人不適用, 就係有錢喺手就身痕, 唔係洗左佢就炒依樣炒嗰樣蝕曬既人. 供層就算相對貴既樓, 衰起上黎都叫做有層樓?手, 老左退休又可以做逆按, 都叫做有條路行下. 而且喺供嗰二三十年都叫做有瓦摭頭. 當然, 如果善於投資理財, 回報可以二三十年都起碼交得起租, 又加埋資產增值, 靜待買樓機會就更加好啦. 另外, 我記得十年八年前有位師兄剛好有筆退休金, 又聽陸SIR堆介就去買好多405, 當時兩蚊左右, 如果佢?到依家, 就算無自住樓應該一樣逍遙自在...」
Buddaau講呢個意見很對，若週身痕的人，胡亂炒股，或有錢花光，而家又是40歲或以下，咁就唔怕買貴樓，只要唔好借錢長過20年就得，因為他的錢無論如何都會不見，見咗貴樓死供供滿佢，仲有一舊磚頭。
我建議唔買樓最簡單的做法，就係月供盈富基金，供佢20、30年，或者月供或一年價錢較平時買405這些房託或604這類未升的大城市內房股，10年後可以產生以現價計10%的派息(因為租金收益或盈利增加)，你儲到120萬錢的股票(以投入本金計)，一年會派到12萬息，每月有1萬元收益，餘此類推，20、30年後應該更高。皆因它們現價較平，而睇中國的經濟發展，這些房託或內房公司未來收益應該比現在好。
陸羽仁
回應總數
陸羽仁 BLOG 舊文
來源 source: http://blogcity.me