異動空間：兩個明年大問題
■炒股票要贏錢，其實不用估指數，應該考慮買乜去食呢個浪？ 資料圖片
又到年尾，例牌被問明年恒指睇幾多。已故曹Sir名言：人沒有預測能力，只有分析能力。分析是基於現時的數據及經濟做判斷，易受當前市場氣氛左右，錯是無可避免。當然一年到晚都在唱淡者大有人在，也總
會有睇中之時，但一個每日只有兩次準時的鐘又有何用？
炒股票要贏錢，其實不用估指數，魏力的approach係「如果個市係升，我應該要買乜去食呢個浪？」由宏觀入手，明年美國加息、縮表持續，但又聰明地用稅改去「萬劍歸宗」，令貨幣保持寬鬆。科技股今年獨領風騷，但隨著金融股盈利復蘇，科技股相對就昂貴了，故近月見資金乾坤大挪移，沽科技買金融，加上油價、商品價格逐步回升，連迷失廿多年的日本都重現通脹、企業加價，從現時狀況去睇，金融、消費及商品股是明年三大重點。
「明年會股災嗎？」問得這問題，通常是今年miss足成個升浪，正祈求一個股災去上車，但真係股災時又敢買嗎？宏觀去睇，如果你相信目前資產價格炒到天價是由量寬造成，當加息、收水到一個臨界點，資產價格又點會唔落？不過，臨界點要過咗先知，在未出現之前應該繼續博上去，太早估頂的代價太大了。
魏力
http://fb.com/2012jason
本欄逢周一、五刊出
魏力
異動空間 - 魏力 舊文
來源 source: http://hk.finance.appledaily.com