財經評論：香港電競新時代
■鄭志剛（左）同內地「英雄互娛」簽署長期獨家策略合作協議，喺內地至少7個K11商場建電競館。資料圖片
今時今日電競行業有市有價，去年成立的英皇電競月中以38萬港元購入九龍電競的打野選手梁子皞（Empt2y），一破香港電競界記錄，掀起家長千萬迷思，「打機搵到食？」。
自
從亞運承認電競為運動項目後，一改社會對電競的刻板印象，再加上李嘉誠收購電競品牌雷蛇（1337）、騰訊（700）收購本年紅爆遊戲「絕地求生」、知名人士和企業建立電競戰隊，家長逐漸接受電競係搵到食，不反對子女加入電競行業。
香港的年輕人又係勁嘅，不單止喺頂級聯賽打滾，仲贏過世界冠軍，前英雄聯盟世界冠軍，現英皇電競總監劉偉健（Toyz）話香港選手具世界頂級水平，以人口比例嚟睇，香港只有700萬人，已有幾位在頂級聯賽參賽的選手，其實唔比中國韓國差，香港選手係有潛力，但只係欠一個發揮的舞台。
冇舞台？K11新世界發展第三代接班人鄭志剛幫你拆掂，佢就話同內地「英雄互娛」簽署長期獨家策略合作協議，喺內地至少7個K11商場建電競館，仲會將觀塘KOHO大樓改建成電競館，全力贊助香港電競舉辦錦標賽。冠軍隊伍可獲得35萬元獎金，仲有周大福送出嘅冠軍鑽石指環，喺業界落足本支持電競行業下，各位家長有冇小小心動，希望子女成為香港電競界C朗拿度或者美斯？
記者：黃朗鈞
財經評論 舊文
來源 source: http://hk.finance.appledaily.com