金手指：香港踏入焦土年代
■呢幾年來，「搵夠好走」，相信已是社會共識。 資料圖片
今日，孫柏文有好多嘢想分享。首先，補選。原先老強搶走嘅四席，攞得番兩席。𠵱家個個搵人食死貓，競選經理、初選對手、被DQ的，人人有份。
其實，唔使賴，錯喺選民到。投票率咁低，大家都知會點。咁香港人好理性，
之前我投票選嗰個（利申：我上次投梁頌恒，再之前梁天琦），贏咗可以咁樣當冇發生過，咁投來做乜？你搞選舉嘅承諾，就係我選邊個就邊個。你反口，我仲玩？承諾，仲有好多，不過都破舊立新。當年鄧小平開咗好多cheque，彈票啦。「一人兩屆」可以冇，「一國兩制」會點呢？所以都係嗰句，搵夠好走。
其實，呢幾年來，我都係咁叫「搵夠好走」，相信已達社會共識。因為走的話，最理性就係攞得就攞先，唔使留畀人，留畀啲undeserving嘅人。「香港」係以前的，𠵱家嗰個唔係，冇咗唔可惜。
即係點？即係「焦土政策」。最能代表呢種「橫掂要走或被趕，不如一鑊熟玩焦土」心態，就一定係啲人今年係咁叫財政司派錢。派曬，就最好。有用嘅教訓係，定政策嘅人，你哋每次推政策時，只要假設所有人有「焦土」心理，應該會易明好多。
最後，上周彩星玩具（869）出業績，2017下半比2016下半（2016上半有忍者龜電影，所以冇得比），盈利升兩成。不過遜我預期少少。落到呢個位，我唔會放。不過唔會增持住。
孫柏文
獨立股評人
http://fb.com/shuen
本欄逢周二刊出
孫柏文
金手指 - 孫柏文 舊文
來源 source: http://hk.finance.appledaily.com